مظفر گڑھ، نہر اچ رکشہ ݙہݨ دا معاملہ، ہݨ تئیں 7 بندیاں دیاں لاشاں کڈھیاں ڳئن، ریسکیو ذرائع

مظفر گڑھ۔ 11 اگست (اے پی پی) کوٹ ادو کینال اچ رکشہ ݙہݨ دا معاملہ، ریسکیو مزید 4 بندیاں دیاں لاشاں نہر توں کڈھ گھدن، ہݨ تئیں کل 7 بندیاں دیاں لاشاں نہر توں کڈھیاں ونڄ چکین۔ ریسکیو ذرائع دے مطابق گزریل رات کوٹ ادو دے علاقے دائرہ دین پناہ اچ باراتیاں نال بھریا لوڈر رکشہ بے قابو تھی تے کوٹ ادو کینال اچ ݙہہ تے ٻݙ ڳیا ہئی جئیں تے زنانیاں تے ٻالاں سمیت 26 بندے سوار ہن، ریسکیو 5 ٻالاں سمیت ہݨ تئیں 7 بندیاں دیاں لاشاں نہر توں کڈھ گھدن۔ ٻئے 8 ڳُم تھیوݨ آلے ٻالاں دی ڳول جاری اے۔ اہلِ خانہ دے مطابق رکشے تے زنانیاں تے ٻالاں سمیت 26 بندے سوار ہن، 11 بندیاں کوں زندہ کڈھ گھدا ڳیا ہئی، ڳُم تھیوݨ آلے ٻالاں دیاں عمراں 3 توں 14 سال دے درمیان ہن، ریسکیو آپریشن جاری اے۔