خواتین یونیورسٹی ملتان اچ جشنِ آزادی قومی جوش تے جذبے نال منایا ویسی

ملتان۔ 13 اگست (اے پی پی) خواتین یونیورسٹی اچ یومِ آزادی دی تقریب اڄ تھیسی۔ ترجمان موجب خواتین یونیورسٹی ملتان اچ یومِ آزادی پاکستان دی پروقار تقریب اڄ 14 اگست کوں منعقد تھیسی۔ڈائریکٹوریٹ آف اسٹوڈنٹس افیئرز دے زیرِاہتمام تقریب فاطمہ جناح ہال، کچہری کیمپس اچ سجھ ابھردے 7 وڄ تے 45 منٹ تے شروع تھیسی، جݙاں جو پرچم کشائی دی تقریب سجھ ابھردے 8 وڄے تھیسی۔ تقریب دا آغاز قومی ترانے، گارڈ آف آنرتے ملکی سلامتی، خوشحالی و پائیداری کیتے دعا نال تھیسی۔ ایندے بعد تلاوتِ قرآنِ پاک بمعہ ترجمہ، نعتِ رسولِ مقبول ﷺ، ملی نغمے تے اردو و انگریزی اچ تقریراں پیش کیتیاں ویسن۔تقریب دے اختتامی کلمات وائس چانسلر خواتین یونیورسٹی پروفیسر ڈاکٹر سیدہ شاہدہ بتول ادا کریسن۔ بعد اچ کیک کٹیا ویسی جݙاں جو 9 وڄے ’’کلین اینڈ گرین پاکستان‘‘ دے تحت شجرکاری مہم دا آغاز وی کیتا ویسی