اسلام آباد (اے پی پی) وفاقی وزیرپارلیمانی امور ڈاکٹر طارق فضل چوہدری قوم کوں پاکستان دے 80ویں یومِ آزادی دی مبارخ ݙیندے آکھیے جو اڄ دا ݙینھ اساں کوں انھاں عظیم قربانیاں دی یاد ݙویندے جنہاں دے نتیجے وچ اساں کوں ہک آزاد وطن، پاکستان، نصیب تھیا۔ اے آزادی اساݙے بزرگاں دی جدوجہد، قربانیاں تے عزم دا ثمر اے۔ یومِ آزادی دے موقع تے سماجی رابطے دی ویب سائٹ …
آزادی اساݙے بزرگاں دی جدوجہد، قربانیاں تے عزم دا ثمر اے، ڈاکٹر طارق فضل چوہدری
اسلام آباد (اے پی پی) وفاقی وزیرپارلیمانی امور ڈاکٹر طارق فضل چوہدری قوم کوں پاکستان دے 80ویں یومِ آزادی دی مبارخ ݙیندے آکھیے جو اڄ دا ݙینھ اساں کوں انھاں عظیم قربانیاں دی یاد ݙویندے جنہاں دے نتیجے وچ اساں کوں ہک آزاد وطن، پاکستان، نصیب تھیا۔ اے آزادی اساݙے بزرگاں دی جدوجہد، قربانیاں تے عزم دا ثمر اے۔ یومِ آزادی دے موقع تے سماجی رابطے دی ویب سائٹ ایکس تے اپݨی ہک پوسٹ وچ وفاقی وزیر آکھیا جو اساں کوں عہد کرݨا اے جو قائدِ اعظم محمد علی جناحؒ دے وژن موجب پاکستان کوں ہک مضبوط، خوشحال، ترقی یافتہ تے باوقار ملک بݨاوݨ کیتے اپݨا کردار ادا کریسوں۔ اتحاد، ایمان تے نظم و ضبط کوں اپݨا شعار بݨیندے ملکی ترقی تے استحکام دے سفر کوں اڳوں ودھیسوں۔ انہاں اکھیا جو آؤ ایں یومِ آزادی تے پاکستان دی سلامتی، ترقی تے خوشحالی کیتے دعا کروں تے اپݨے وطن دی تعمیر و ترقی وچ کردار نبھاوݨ دا عہد کروں۔ اپݨی پوسٹ دے چھیکڑ وچ انہاں دعا کیتی جو پاکستان ہمیشہ قائم و دائم رہے۔ پاکستان زندہ باد! وفاقی وزیر ڈاکٹر طارق فضل چوہدری اپݨی پوسٹ وچ ساوا ہلالی قومی پرچم وی شیئر کیتے۔
