اسلام آباد۔14 اگست (اے پی پی) پاکستان ہائی کمیشن نئی دہلی وچ پاکستان دا 80واں یومِ آزادی روایتی جوش و جذبے تے شایانِ شان انداز وچ منایا ڳیا، ناظم الامور سعد احمد وڑائچ چانسری لان وچ منعقدہ پروقار تقریب وچ قومی پرچم لہرایا۔ تقریب وچ پاکستان ہائی کمیشن دے ارکان تے انہاں دے اہلِ خانہ شرکت کیتی۔ ایں موقع تے صدرِ مملکت، وزیراعظم تے نائب وزیراعظم و وزیرِ خارجہ …
پاکستان ہائی کمیشن نئی دہلی وچ یومِ آزادی روایتی جوش و جذبے تے شایانِ شان انداز وچ منایا ڳیا
مزید خبراں
اسلام آباد۔14 اگست (اے پی پی) پاکستان ہائی کمیشن نئی دہلی وچ پاکستان دا 80واں یومِ آزادی روایتی جوش و جذبے تے شایانِ شان انداز وچ منایا ڳیا، ناظم الامور سعد احمد وڑائچ چانسری لان وچ منعقدہ پروقار تقریب وچ قومی پرچم لہرایا۔ تقریب وچ پاکستان ہائی کمیشن دے ارکان تے انہاں دے اہلِ خانہ شرکت کیتی۔ ایں موقع تے صدرِ مملکت، وزیراعظم تے نائب وزیراعظم و وزیرِ خارجہ دے پیغامات وی پڑھ تے سݨائے ڳئے۔ ناظم الامور سعد احمد وڑائچ تقریب نال خطاب کریندے آکھیا جو قائدِ اعظم محمد علی جناحؒ دی متحرک قیادت وچ پاکستان دا قیام برصغیر دے مسلماناں دے پختہ عزم دی صرف فتح ہی نہ ہئی بلکہ علیحدہ وطن دے حصول کیتے انہاں دے مقدر دی تکمیل وی بݨیا۔ انہاں اکھیا جو گزریل سالاں دے دوران پاکستان زندگی دے سارے شعبیں وچ نمایاں پیشرفت کیتی اے جݙاں جو پاکستان دی جوہری صلاحیت جنوبی ایشیاء وچ استحکام دا باعث اے۔ پاکستانی ناظم الامور آکھیا جو معرکہ حق پاکستان دی خودمختاری تے عوام دے وقار دے تحفظ تے بقاء کیتے اساݙے غیر متزلزل عزم دا ثبوت اے، آزادی خداوندِ کریم دا انمول تحفہ اے تے نئی دہلی وچ پاکستان دی نمائندگی کریندے اے احساس ٻیا ودھ ویندے۔ ناظم الامور سعد احمد وڑائچ مادرِ وطن کیتے جاناں دا نذرانہ پیش کرݨ آلے عظیم شہداء کوں خراجِ عقیدت پیش کریندے ملکی دفاع وچ پاک مسلح افواج دے کردار دی تعریف کیتی
