اسلام آباد۔14 اگست (اے پی پی) صدرِ مملکت آصف علی زرداری تے وزیراعظم محمد شہباز شریف داخلی تے خارجی امور سودھے فتنہ الہندوستان تے فتنہ الخوارج دے دہشت گرداں دے خلاف کارروائیاں وچ پاکستان دی مسلح افواج تے قانون نافذ کرݨ آلے اداریں دی پیشہ ورانہ صلاحیتاں کوں خراجِ تحسین پیش کریندے وطنِ عزیز توں دہشت گردی دے ناسور دے مکمل خاتمے دے عزم دا اعادہ کیتے۔ ایوانِ صدر دے …
وزیراعظم محمد شہباز شریف دی صدرِ مملکت آصف علی زرداری نال ملاقات، یومِ آزادی دی مبارخ ݙتی، وطنِ عزیز توں دہشت گردی دے ناسور دے منڈھوں خاتمے دے عزم دا اعادہ
مزید خبراں
اسلام آباد۔14 اگست (اے پی پی) صدرِ مملکت آصف علی زرداری تے وزیراعظم محمد شہباز شریف داخلی تے خارجی امور سودھے فتنہ الہندوستان تے فتنہ الخوارج دے دہشت گرداں دے خلاف کارروائیاں وچ پاکستان دی مسلح افواج تے قانون نافذ کرݨ آلے اداریں دی پیشہ ورانہ صلاحیتاں کوں خراجِ تحسین پیش کریندے وطنِ عزیز توں دہشت گردی دے ناسور دے مکمل خاتمے دے عزم دا اعادہ کیتے۔ ایوانِ صدر دے میڈیا ونگ دی طرفوں جاری بیان موجب وزیراعظم محمد شہباز شریف نے صدرِ مملکت آصف علی زرداری نال اتھاں ایوانِ صدر وچ ملاقات کیتی۔ وزیراعظم صدرِ مملکت کوں یومِ آزادی دی مبارخ ݙتی۔ ملاقات وچ نائب وزیراعظم و وزیرِ خارجہ سینیٹر محمد اسحاق ڈار، وزیرِ داخلہ و انسدادِ منشیات سید محسن رضا نقوی، سپیکر پنجاب اسمبلی ملک محمد احمد خان تے سینیٹر شیری رحمان وی موجود ہن۔ وزیراعظم نے صدرِ مملکت کوں مکہ مکرمہ وچ سعودی عرب، ترکیہ تے پاکستان وچال طے پاوݨ آلے تاریخی امن معاہدے دے حوالے نال ݙسایا۔ صدرِ مملکت دفاعی تعاون، علاقائی امن و استحکام تے امتِ مسلمہ دی سلامتی دے ودھارے دے حوالے نال سہ فریقی امن معاہدے تے مؤثر عملدرآمد کیتے نیک خواہشات دا اظہار کیتا۔ صدر زرداری سعودی عرب، ترکیہ تے پاکستان دے پراݨے برادرانہ تعلقات کوں مزید تکڑی تزویراتی شراکت داری وچ ڈھالݨ کیتے وزیراعظم محمد شہباز شریف تے فیلڈ مارشل و چیف آف ڈیفنس فورسز جنرل سید عاصم منیر دی کوششاں دی تعریف کیتی ۔ ملاقات وچ داخلی تے خارجی امور سودھے فتنہ الہندوستان تے فتنہ الخوارج دے دہشت گرداں دے خلاف کارروائیاں وچ پاکستان دی مسلح افواج تے قانون نافذ کرݨ آلے اداریں دی پیشہ ورانہ صلاحیتاں کوں خراجِ تحسین پیش کیتا ڳیا تے وطنِ عزیز توں دہشت گردی دے ناسور دے مکمل خاتمے دے عزم دا اعادہ کیتا ڳیا۔ صدر موجودہ علاقائی صورتحال دے تناظر وچ عوام کوں درپیش معاشی اوکھ اچ ریلیف ݙیوݨ، اشیائے ضروریہ دی بلا تعطل فراہمی تے انہاں کوں مناسب نرخاں تے دستیاب بݨاوݨ کیتے مؤثر اقدامات دی لوڑھ تے زور ݙتا۔ صدرِ مملکت ایں امید دا اظہار کیتا جو علاقائی تے عالمی امن دے ودھارے کیتے پاکستان دی مؤثر سفارتی کوششاں نال ملک دے عالمی مقام کوں مزید تقویت ملسی تے ایں دے مثبت اثرات ملکی معیشت تے عوام دی زندگیاں تے پوسن۔
