نامور ادیب ڈاکٹرحاکم ٻرڑو دی دھی پریوش حاکم ہانگ کانگ وچ تھیوݨ آلے ایشین سائنس کیمپ 2026ء وچ سلور ایوارڈ اپݨے ناں کرڳھدا

اسلام آباد۔14 اگست (اے پی پی) نامور ادیب ڈاکٹرحاکم ٻرڑو دی دھی پریوش حاکم ہانگ کانگ وچ تھیوݨ آلے ایشین سائنس کیمپ 2026ء وچ سلور ایوارڈ اپݨے ناں کرڳھدا۔ پاکستانی طالبہ پریوش حاکم دا سائنس منصوبہ 54 منصوبیں وچوں شارٹ لسٹ تھیوݨ آلے 12 منصوبیں وچ شامل تھیا جیں دے بعد 13 رکنی بین الاقوامی پینل منصوبے دا جائزہ ڳھدا۔ منصوبیں دی جانچ آئیڈیا تے پریزنٹیشن مقررہ ویلھے وچ تکمیل تے ممکنہ اثرات دی بنیاد تے کیتی ڳئی۔ پینل وچ نوبل انعام یافتہ سائنسدان، جامعات تے صنعت دے ماہرین شامل ہن۔