ملک دے بالائی تے وسطی علاقیاں اچ 17 توں 21 اگست دے دوران تیز ہوائیں اتے ڳاڄ کھمݨ نال ٻئی بارشاں دی پیشگوئی

اسلام آباد (اے پی پی) محکمہ موسمیات ملک دے بالائی تے وسطی علاقیاں اچ 17 توں 21 اگست دے دوران تیز ہوائیں اتے ڳاڄ کھمݨ نال ٻئی بارشاں دی پیشگوئی کیتی اے۔  محکمہ موسمیات دے مطابق مون سون ہوائیاں ملک دے بالائی علاقیاں اچ داخل تھییندی پئن جیڑھی آوݨ آلے کچھ ݙینہاں تئیں رہوݨ دا امکان اے۔ 17 اگست توں مغربی ہواؤاں دا سلسلہ ملک دے بالائی علاقیاں اچ داخل تھیوݨ دا امکان اے، ایں موسمی نظام دے زیرِ اثر کشمیر اچ 16 اگست (شام/رات) توں 21 اگست دے دوران وادیٔ نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر تے میرپور اچ اکثر ڄہیں تے وقفے وقفے نال تیز ہواؤاں تے ڳاڄ کھمݨ نال بارش جݙاں جو کچھ جہیں تے مسلا دھار بارش دا امکان اے، خیبر پختونخوا اچ 17 اگست (شام/رات) توں 21 اگست دے دوران دیر، چترال، سوات، کوہستان، مالاکنڈ، نوشہرہ، چارسدہ، صوابی، شانگلہ، بٹگرام، بونیر، کوہاٹ، ہنگو، کرم، باجوڑ، مہمند، خیبر، اورکزئی، مانسہرہ، ایبٹ آباد، ہری پور، پشاور تے مردان اچ تیز ہواواں تے ڳاڄ کھمݨ نال بارش جݙاں جو کچھ جہیں تے مسلا دھار بارش دا امکان اے۔ تاہم 20 تے 21 اگست کوں کرک، ٹانک، لکی مروت، ڈیرہ اسماعیل خان، بنوں تے وزیرستان اچ تیز ہواواں اتے ڳاڄ کھمݨ نال بارش دا امکان اے۔ اسلام آباد / بالائی پنجاب اچ 16 اگست (شام/رات) توں 21 اگست دے دوران اسلام آباد، راولپنڈی، مری، گلیات، جہلم، چکوال، تلہ گنگ، اٹک، سیالکوٹ، نارووال، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، قصور، اوکاڑہ، شیخوپورہ، ننکانہ صاحب، سرگودھا، خوشاب، میانوالی اتے نورپور تھل اچ وقفے وقفے نال تیز ہواواں اتے ڳاڄ کھمݨ نال بارش جݙاں جو کچھ ڄہیں تے مسلا دھار بارش دا امکان اے۔ 20 اتے 21 اگست کوں فیصل آباد، جھنگ، ٹوبہ ٹیک سنگھ، لیہ، بھکر، ساہیوال، پاکپتن، بہاولنگر، بہاولپور اتے ڈیرہ غازی خان اچ تیز ہواواں اتے ڳاڄ کھمݨ نال کچھ مقامات تے بارش متوقع اے۔ گلگت بلتستان اچ 18 توں 21 اگست دے دوران دیامر، استور، غذر، سکردو، ہنزہ، گلگت، گانچھے اتے شگر اچ وقفے وقفے نال تیز ہواواں اتے ڳاڄ کھمݨ نال بارش دا امکان اے۔ سندھ / بلوچستان: صوبے دے کئی علاقیاں اچ موسم گرم اتے مرطوب رہوݨ دا امکان اے۔ تاہم موسیٰ خیل، بارکھان، ژوب، قلات تے خضدار اچ 17 اگست (شام/رات) توں 20 اگست دے دوران تیز ہواواں تے ڳاڄ کھمݨ نال بارش متوقع اے۔ ممکنہ اثرات تے احتیاطی تدابیر پاروں موسلا دھار بارشاں پاروں 17 توں 20 اگست اسلام آباد/راولپنڈی، مردان، صوابی، گوجرانوالہ، گجرات، سیالکوٹ تے لاہور دے نشیبی علاقیاں اچ اربن فلڈنگ دا اندیشہ اے، خیبر پختونخوا دے پہاڑی علاقیاں، گلگت بلتستان، مری، گلیات تے کشمیر اچ لینڈ سلائیڈنگ دا خدشہ اے۔ سیاح تے مسافر حضرات موسمی پیشگوئی دے دوران محتاط رہن اتے غیر ضروری سفر توں گریز کرن۔