وزیراعظم شہباز شریف دی پاکستانی عازمینِ حج کوں بہترین سہولیات دی فراہمی یقینی بݨاوݨ دی ہدایت

اسلام آباد (اے پی پی) وزیراعظم محمد شہباز شریف نال وفاقی وزیرِ مذہبی امور سردار محمد یوسف ملاقات کیتی اتے وزیراعظم کوں آندے حج دی تیاریاں تے انتظامات دے حوالے نال پیشرفت دا ݙسیا۔ منگل کوں وزیراعظم آفس دے میڈیا ونگ توں جاری بیان دے مطابق وفاقی وزیر وزارتِ مذہبی امور دے معاملیاں تے وزارت ولوں جاری اقدامات بارے وی وزیراعظم کوں بریفنگ ݙتی۔ وزیراعظم آندے حج دے دوران پاکستانی عازمینِ حج کوں بہترین سہولیات دی فراہمی تے موثر انتظامات یقینی بݨاوݨ دی ہدایت کیتی اتے اکھیا جو حج کیتے تمام ضروری اقدامات ویلھے تے مکمل کیتے ونڄن۔