موجودہ دور وچ ڈریپ وچ جئیں قدر اصلاحات گھن آئیاں ڳئن ایں دی ماضی وچ مثال نی ملدی، وفاقی وزیر پارلیمانی امورڈاکٹرطارق فضل چوہدری

اسلام آباد۔18اگست (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو موجودہ دور وچ ڈرگ ریگولیٹری اتھارٹی آف پاکستان (ڈریپ) وچ جیں قدر اصلاحات گھن آئیاں ڳئن ایں دی ماضی وچ مثال نی ملدی، انفلوئنزا ویکسین دی گھٹکی دی شکایت دا معاملہ متعلقہ وزارتاں دے نال چاتا ویسی۔ قومی اسمبلی وچ ڈاکٹر شرمیلا فاروقی نکتہ اعتراض تے ملک وچ انفلوئنزا ویکسین دی گھٹکی دے حوالے نال معاملہ چاتا جیں تے ڈاکٹر طارق فضل چوہدری آکھیا جو اے اہم مسئلہ اے، ایں دی تفصیل ݙتیاں ونڄن، وزارتِ قانون تے وزارتِ صحت دے نوٹس وچ گھن آیا ویسی۔ انہاں آکھیا جو موجودہ دورِ حکومت وچ ڈریپ وچ تاریخی اصلاحات گھن آئیاں ڳئن۔سپیکر قومی اسمبلی سردار ایاز صادق ڈاکٹر شرمیلا فاروقی کوں ہدایت کیتی جو او تفصیل تحریری طور تے ݙیون جیڑھی متعلقہ وزراء دے نوٹس وچ گھن آئی ویسی۔