اسلام آباد۔18اگست (اے پی پی) وفاقی وزیرپارلیمانی امور ڈاکٹر طارق فضل چوہدری آکھیے جو پرامن احتجاج ہر شہری دا آئینی حق اے تاں جو ایں وچال سڑکاں بند کرݨ تے امن و امان دی صورتحال خراب کرݨ نال مسئلے مزید اوکھے تھیندن۔ سینیٹ اجلاس وچ مختلف ارکان دے نکتے دا جواب ݙیندے ڈاکٹر طارق فضل چوہدری آکھیا جو کجھ معاملیں وچ عدالتاں ہی مناسب فورم ہن تے آئینی و …
پرامن احتجاج ہرشہری دا آئینی حق اے، ایں وچال سڑکاں بند کرݨ تے امن و امان دی صورتحال خراب کرݨ نال مسئلے مزید اوکھے تھیندن ، ڈاکٹر طارق فضل چوہدری
مزید خبراں
اسلام آباد۔18اگست (اے پی پی) وفاقی وزیرپارلیمانی امور ڈاکٹر طارق فضل چوہدری آکھیے جو پرامن احتجاج ہر شہری دا آئینی حق اے تاں جو ایں وچال سڑکاں بند کرݨ تے امن و امان دی صورتحال خراب کرݨ نال مسئلے مزید اوکھے تھیندن۔ سینیٹ اجلاس وچ مختلف ارکان دے نکتے دا جواب ݙیندے ڈاکٹر طارق فضل چوہدری آکھیا جو کجھ معاملیں وچ عدالتاں ہی مناسب فورم ہن تے آئینی و قانونی رستے اختیار کیتے ونڄݨے چاہیدن، پرامن احتجاج ہر شہری دا آئینی حق اے تاں جو ایں وچال سڑکاں بند کرݨ تے امن و امان دی صورتحال خراب کرݨ نال مسئلے مزید اوکھے تھیندن۔ انہاں آکھیا جو صومالیہ وچ اغوا تھیوݨ آلے شہریاں دے معاملے تے حکومت سفارتی ذرائع نال وی رابطے کریندی پئی اے، مضبوط سفارتی تعلقات دی صورت وچ رابطہ کاری تے معاملیں دے حل وچ سوکھ تھیندی اے۔ انہاں یقین ݙیوائے حکومت انہاں لوکاں دے مسئلے دے حل تے متاثرہ خانداناں دی اوکھ مکاوݨ کیتے آپݨیاں کوششاں جاری رکھیسی، حکومت تے متعلقہ اداریں دی طرفوں ایں معاملے تے مختلف سطح تے ڳالھ مہاڑجاری اے جݙاں جو لوڑھ پووݨ تے معاملہ سینیٹ دی قائمہ کمیٹی انسانی حقوق کوں وی بھجوایا ونڄ سڳدے۔
