اسلام آباد۔19اگست (اے پی پی) وزیراعظم محمد شہباز شریف وفاقی وزیرِ پٹرولیم کوں فوری کراچی پجݨ اتے ایندھن دی قیمتاں دے حوالے نال عوامی ریلیف کیتے فوری اقدامات دی ہدایت کیتی اے۔ بدھ کوں وزیراعظم آفس دے میڈیا ونگ ولوں جاری بیان دے مطابق وزیراعظم محمد شہباز شریف نال وزیرِ پٹرولیم علی پرویز ملک ملاقات کیتی جئیں وچ وفاقی وزیرِ اطلاعات تے نشریات عطاء اللہ تارڑ، وزیرِ اقتصادی امور احد …
وزیراعظم شہباز شریف دی وفاقی وزیرِ پٹرولیم کوں فوری کراچی پجݨ، ایندھن دی قیمتاں وچ ریلیف کیتے اقدامات دی ہدایت
مزید خبراں
اسلام آباد۔19اگست (اے پی پی) وزیراعظم محمد شہباز شریف وفاقی وزیرِ پٹرولیم کوں فوری کراچی پجݨ اتے ایندھن دی قیمتاں دے حوالے نال عوامی ریلیف کیتے فوری اقدامات دی ہدایت کیتی اے۔ بدھ کوں وزیراعظم آفس دے میڈیا ونگ ولوں جاری بیان دے مطابق وزیراعظم محمد شہباز شریف نال وزیرِ پٹرولیم علی پرویز ملک ملاقات کیتی جئیں وچ وفاقی وزیرِ اطلاعات تے نشریات عطاء اللہ تارڑ، وزیرِ اقتصادی امور احد خان چیمہ، وزیرِ موسمیاتی تبدیلی ڈاکٹر مصدق ملک تے رکنِ قومی اسمبلی حمزہ شہباز وی موجود ہن۔ وزیراعظم وزیرِ پٹرولیم علی پرویز ملک کوں فوری طور تے کراچی پجݨ تے آئل ریفائنریز نال مذاکرات کرݨ دی ہدایت کریندیں ہوئیں آکھیا جو کراچی ونڄ تے مقامی طور تے تیار کیتے ڳئے ڈیزل دی قیمتاں وچ ڳھٹکی دے حوالے نال اقدامات یقینی بݨاؤ۔ انہاں اکھیا جو ڈیزل دی مقدار دا زیادہ تر حصہ مقامی ریفائنریز وچ تیار تھیندے، ایں دی قیمتاں وچ ڳھٹکی کیتے وزیرِ پٹرولیم بذاتِ خود ریفائنریز نال مذاکرات کوں جلدی توں جلدی مکمل کرن اتے جتنا تھی سڳے عوام کوں فوری ریلیف ݙتا ونڄے۔
