اسلام آباد۔20اگست (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار آکھیا جو حالیہ حوثی حملے اچ تنزانیہ دے پرچم بردار تجارتی بحری جہاز تے زخمی تھیوݨ آلے چھی پاکستانی ملاح بحفاظت وطن واپس پڄ ڳئن جݙاں جو جاں بحق تھیوݨ آلے ݙو پاکستانی ملاحاں دی میتاں وی پاکستان پڄا ݙتیاں ڳئن۔ سماجی رابطہ دے پلیٹ فارم ایکس تے خمیس کوں آپݨے بیان اچ انہاں اکھیا جو …
اڄوکے حوثی حملے اچ زخمی تھیوݨ آلے 6 پاکستانی ملاح بحفاظت پاکستان واپس پڄ ڳئن: نائب وزیراعظم اسحاق ڈار
مزید خبراں
اسلام آباد۔20اگست (اے پی پی) نائب وزیراعظم اتے وزیرِ خارجہ سینیٹر محمد اسحاق ڈار آکھیا جو حالیہ حوثی حملے اچ تنزانیہ دے پرچم بردار تجارتی بحری جہاز تے زخمی تھیوݨ آلے چھی پاکستانی ملاح بحفاظت وطن واپس پڄ ڳئن جݙاں جو جاں بحق تھیوݨ آلے ݙو پاکستانی ملاحاں دی میتاں وی پاکستان پڄا ݙتیاں ڳئن۔ سماجی رابطہ دے پلیٹ فارم ایکس تے خمیس کوں آپݨے بیان اچ انہاں اکھیا جو تمام متعلقہ فریقاں کوں ہدایت کیتی ڳئی ہئی جو زخمی ملاحاں تے جاں بحق لوکاں دی میتاں دی محفوظ، باوقار تے تکھے توں تکھے وطن واپسی کوں یقینی بݨایا ونڄے۔ نائب وزیراعظم جدہ اچ پاکستان دے قونصلیٹ جنرل تے ریاض وچ پاکستانی سفارت خانے دی ویلھے سر اتے مخلصانہ کوشساں کوں سراہیا جنہاں یمن توں زخمی ملاحاں تے میتاں دی واپسی تے بعد اچ انہاں دے پاکستان سفر اچ سہولت فراہم کیتی، بالخصوص ایں صورتحال اچ جݙاں یمن اچ پاکستان دا کوئی سفارتی مشن موجود کائنا ہئی۔ نائب وزیراعظم تے وزیرِ خارجہ سینیٹر محمد اسحاق ڈار آکھیا جو میں ایف آئی اے سمیت تمام متعلقہ فریقاں دی انہاں کوششاں کوں وی سراہنداں جنہاں پاروں انہاں دی پاکستان وچ آمد تے بعد اچ انتظامات خوش اسلوبی نال مکمل تھئے۔
