وفاقی کابینہ ڈیفنس فورسز ایکٹ 2026ء تے نیشنل کمانڈ اتھارٹی ایکٹ 2010ء اچ ترمیم دی منظوری ݙے ݙتی

اسلام آباد۔20اگست (اے پی پی) وفاقی کابینہ ڈیفنس فورسز ایکٹ 2026ء تے نیشنل کمانڈ اتھارٹی ایکٹ 2010ء اچ ترمیم دی منظوری ݙے ݙتی اے۔ وزیراعظم محمد شہباز شریف دی صدارت وفاقی کابینہ دا اجلاس خمیس کوں تھیا۔ وزیراعظم آفس دے میڈیا ونگ توں جاری بیان دے مطابق وفاقی کابینہ ڈیفنس فورسز ایکٹ (2026ء) دے مسودے دی منظوری ݙے ݙتی۔ اے مسودہ 27ویں آئینی ترمیم دے ذریعے کیتی ڳئی ترامیم دے تسلسل اچ تیار کیتا ڳئے، اتے ایںدا مقصد چیف آف ڈیفنس فورسز دے عہدے تے چیف آف ڈیفنس فورسز ہیڈ کوارٹرز دے حوالے نال متعلقہ انتظامی امور دا تعین کرݨ اے۔ کابینہ دی منظوری دے بعد دفاعی افواج ایکٹ 2026ء دا مسودہ پارلیمان دے جاری اجلاس اچ منظوری کیتے پیش کیتا ویسے۔ وفاقی کابینہ نیشنل کمانڈ اتھارٹی ایکٹ (2010ء) اچ ترمیم دی وی منظوری ݙتی جو 27 ویں آئینی ترمیم دے بعد ہک ضروری عمل ہئی۔ نیشنل کمانڈ ایکٹ 2010ء اچ ترمیم شدہ مسودہ وی منظوری کیتے پارلیمان اچ پیش کیتا ویسے۔