اسلام آباد۔20اگست (اے پی پی) ملائیشیا دے وزیرِداخلہ داتو سیری سیف الدین ناسوتیون بن اسماعیل وزیرِمملکت داخلہ طلال چوہدری دے رلے پاکستان مونومنٹ تے اسلام آباد پولیس لائنز دا تفصیلی دورہ کیتا، جتھاں انہاں یادگارِ شہدا تے حاضری ݙتی تے پولیس دی خصوصی پریڈ دا معائنہ کیتا۔ پاکستان مونومنٹ آوݨ تے فیڈرل کانسٹیبلری (ایف سی) دے چاق و چوبند دستے معزز مہمان کوں گارڈ آف آنر پیش کیتا۔ ملائیشین وزیرِداخلہ …
ملائیشیا دے وزیرِداخلہ سیف الدین ناسوتیون بن اسماعیل دا پاکستان مونومنٹ تے اسلام آباد پولیس لائنز دا دورہ
اسلام آباد۔20اگست (اے پی پی) ملائیشیا دے وزیرِداخلہ داتو سیری سیف الدین ناسوتیون بن اسماعیل وزیرِمملکت داخلہ طلال چوہدری دے رلے پاکستان مونومنٹ تے اسلام آباد پولیس لائنز دا تفصیلی دورہ کیتا، جتھاں انہاں یادگارِ شہدا تے حاضری ݙتی تے پولیس دی خصوصی پریڈ دا معائنہ کیتا۔ پاکستان مونومنٹ آوݨ تے فیڈرل کانسٹیبلری (ایف سی) دے چاق و چوبند دستے معزز مہمان کوں گارڈ آف آنر پیش کیتا۔ ملائیشین وزیرِداخلہ یادگارِ شہدا تے پُھلاں دی چادر چاڑھی، فاتحہ خوانی کیتی تے مادرِ وطن دے دفاع وچ جاناں دا نذرانہ پیش کرݨ آلے شہدا دی عظیم قربانیاں کوں زبردست خراجِ تحسین پیش کیتا۔ ایں موقع تے انہاں کوں پاکستان مونومنٹ دے قیام تے ایں دی تاریخی اہمیت تے تفصیلی بریفنگ ݙتی ڳئی۔بعد وچ، معزز مہمان اسلام آباد پولیس لائنز پُڄے جتھاں انہاں دے اعزاز وچ ہک پروقار پریڈ دا انعقاد کیتا ڳیا۔ اسلام آباد پولیس دے خصوصی دستے انہاں کوں سلامی ݙتی، جݙاں جو بینڈ دے دستے پاکستان تے ملائیشیا دے قومی ترانے دیاں دُھناں پیش کیتیاں۔ ملائیشیا دے وزیرِداخلہ پریڈ دا معائنہ کیتا تے پولیس اہلکاراں دی پیشہ ورانہ صلاحیتاں، نظم و ضبط تے چاق و چوبند انداز دی تعریف کیتی۔انہاں شاندارکارکردگی ݙکھاوݨ تے پولیس جواناں وچ نقد انعامات تے تعریفی سنداں وی ونڈیاں۔ ایں موقع تے انسپکٹر جنرل آف پولیس (آئی جی) اسلام آباد علی ناصر رضوی، آئی جی فیڈرل کانسٹیبلری ریاض نذیرگاڑا، ڈی آئی جی اسلام آباد سودھے داخلہ تے پولیس دے اعلیٰ حکام وی موجود ہن۔
