اسلام آباد۔20اگست (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار پاکستان دے دورے تے آئے شام دے وزیرِ خارجہ اسد حسن الشیبانی دا دفترِ خارجہ اسلام آباد وچ خیرمقدم کریندے انہاں دے نال وفد دی سطح تے تفصیلی مذاکرات کیتے۔ دفترِ خارجہ موجب ݙوہیں پاسوں پاکستان تے شام وچال پراݨے بھرپی آلے تعلقات دی تجدید کریندے سانجھی دلچسپی دے مختلف شعبیں وچ ݙوطرفہ تعاون کوں مزید تکڑا …
نائب وزیرِاعظم اسحاق ڈار تے شام دے وزیرِ خارجہ وچال وفد دی سطح تے مذاکرات، ݙوطرفہ تعاون کوں مزید تکڑا بݨاوݨ تے اتفاق
اسلام آباد۔20اگست (اے پی پی) نائب وزیرِاعظم تے وزیرِخارجہ سینیٹر محمد اسحاق ڈار پاکستان دے دورے تے آئے شام دے وزیرِ خارجہ اسد حسن الشیبانی دا دفترِ خارجہ اسلام آباد وچ خیرمقدم کریندے انہاں دے نال وفد دی سطح تے تفصیلی مذاکرات کیتے۔ دفترِ خارجہ موجب ݙوہیں پاسوں پاکستان تے شام وچال پراݨے بھرپی آلے تعلقات دی تجدید کریندے سانجھی دلچسپی دے مختلف شعبیں وچ ݙوطرفہ تعاون کوں مزید تکڑا بݨاوݨ تے اتفاق کیتا۔وزرائے خارجہ علاقائی تے بین الاقوامی صورتحال بشمول فلسطین، گولان دیاں پہاڑیاں، افغانستان، جنوبی ایشیا دی صورتحال تے مشرقِ وسطیٰ دی صورتحال تے وی ڳالھ مہاڑ کیتی ۔ نائب وزیرِاعظم شام دی خودمختاری، اتحاد تے علاقائی سالمیت کیتے پاکستان دی حمایت دا اعادہ کیتا۔ شامی وزیرِ خارجہ مکہ مشترکہ دفاعی معاہدے تے دستخط دا خیرمقدم کریندے علاقائی امن تے استحکام دے ودھارے وچ پاکستان دے تعمیری کردار دی تعریف کیتی جیں وچ امریکا تے ایران دے تناظر وچ کشیدگی وچ کمی کیتے پاکستان دیاں کوششاں وی شامل ہن۔ ݙوہیں پاسوں خطے تے ایں توں ٻاہروں امن، استحکام تے خوشحالی کیتے مسلسل رابطے تے تعاون جاری رکھݨ دے عزم دا وی اعادہ کیتا۔
