اسلام آباد۔20 اگست(اے پی پی)وزیرِ اعظم محمد شہباز شریف پنشنراں کیتے پروف آف لائف دے جدید نظام دا افتتاح کریندے آکھیے جو پنشنراں کیتے نواں بائیو میٹرک اتے چہرے دا تصدیقی نظام انسانیت دی وݙی خدمت اے، جدید ڈیجیٹل سسٹم اتے ایپ توں لکھاں پنشنر مستفید ہوسن، نویں نظام نال پنشنراں دے ٻنکاں دے چکر مک ویسن۔ انہاں اے ڳالھ اسلام آباد اچ پنشنراں کیتے پروف آف لائف سرٹیفکیٹ دی …
وزیرِ اعظم پنشنراں کیتے پروف آف لائف دے جدید نظام دا افتتاح کر ݙتے
اسلام آباد۔20 اگست(اے پی پی)وزیرِ اعظم محمد شہباز شریف پنشنراں کیتے پروف آف لائف دے جدید نظام دا افتتاح کریندے آکھیے جو پنشنراں کیتے نواں بائیو میٹرک اتے چہرے دا تصدیقی نظام انسانیت دی وݙی خدمت اے، جدید ڈیجیٹل سسٹم اتے ایپ توں لکھاں پنشنر مستفید ہوسن، نویں نظام نال پنشنراں دے ٻنکاں دے چکر مک ویسن۔ انہاں اے ڳالھ اسلام آباد اچ پنشنراں کیتے پروف آف لائف سرٹیفکیٹ دی افتتاحی تقریب نال خطاب اچ آکھی۔ تقریب اچ وفاقی وزیرِ خزانہ محمد اورنگزیب، وفاقی وزیرِ اطلاعات و نشریات عطاء اللہ تارڑ اتے ٻئے متعلقہ حکام شرکت کیتی۔ وزیرِ اعظم آکھیا جو پنشنراں کیتے نواں نظام ٻہوں وݙی خدمت اے، نواں بائیو میٹرک اتے چہرے دا تصدیقی نظام انسانیت دی خدمت اے، نادرا ولوں جدید پنشن ایپ تے تصدیقی نظام مفت ݙتا ڳئے، ایں اقدام تے وزیرِ خزانہ، چیئرمین نادرا اتے سیکرٹری خزانہ مبارکباد دے مستحق ہن۔ انہاں آکھیا جو نویں نظام نال وݙیریاں اتے معذوراں کوں سوکھ ملسی، نویں نظام نال پنشنراں دے ٻنکاں دے چکر مک ویسن۔ انہاں آکھیا جو جدید ڈیجیٹل سسٹم اتے ایپ توں لکھاں پنشنر مستفید تھیسن، حکومت ملکی ترقی اتے خوشحالی کیتے ݙینھ رات رُدھی ہوئی اے۔ تقریب نال خطاب کریندے ہوئیں وفاقی وزیرِ خزانہ محمد اورنگزیب آکھیا جو وزیرِ اعظم محمد شہباز شریف دی سربراہی اچ ڈیجیٹل پاکستان دا سفر جاری اے، ایں سفر اچ نادرا کلیدی کردار ادا کیتے، پنشنراں کیتے جدید ٹیکنالوجی دا استعمال یقینی بݨایا ڳئے، جدید ٹیکنالوجی دے استعمال نال پنشن دے نظام اچ شفافیت آسی۔ انہاں اکھیا جو راست نظام نال ادائیگی اچ تیزی اتے شفافیت آئی اے، چہرے دا تصدیقی طریقہ کار پنشنراں دا دیرینہ مطالبہ ہا، تصدیقی عمل دی سہولت مفت ݙتی ویسی۔ تقریب اچ پروف آف لائف سرٹیفکیٹ دے اجراء بارے رہنمائی کیتے ویڈیو وی ݙکھائی ڳئی۔
