راولپنڈی۔21اگست (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر پاکستان تے شام دے مشترکہ سکیورٹی چیلنجاں نال نبڑݨ کیتے تعاون تے مشترکہ کوششاں دی اہمیت تے زور ݙتے۔ جمعے کوں پاک فوج دے شعبہِ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، نشانِ امتیاز …
چیف آف ڈیفنس فورسز فیلڈ مارشل سید عاصم منیر نال شام دے وزیرِ خارجہ اسعد حسن الشیبانی دی ملاقات، سکیورٹی چیلنجز نال نبڑݨ کیتے تعاون تے مشترکہ کوششاں دی اہمیت تے زور
مزید خبراں
راولپنڈی۔21اگست (اے پی پی) چیف آف آرمی سٹاف تے چیف آف ڈیفنس فورسز فیلڈ مارشل سید عاصم منیر پاکستان تے شام دے مشترکہ سکیورٹی چیلنجاں نال نبڑݨ کیتے تعاون تے مشترکہ کوششاں دی اہمیت تے زور ݙتے۔ جمعے کوں پاک فوج دے شعبہِ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، نشانِ امتیاز (ملٹری)، ہلالِ جرأت نال شام دے وزیرِ خارجہ اسعد حسن الشیبانی آپݨے وفد دے نال جنرل ہیڈ کوارٹرز (جی ایچ کیو) راولپنڈی اچ ملاقات کیتی جئیں دوران آپسی دلچسپی دے امور، علاقائی سکیورٹی دی صورتحال تے ݙوپاسہ دفاعی تے سکیورٹی تعاون کوں ٻیا فروغ ݙیوݨ دے امکانات تے ڳالھ کیتی ڳئی۔ چیف آف آرمی سٹاف تے چیف آف ڈیفنس فورسز شام دے نال پاکستان دے دیرینہ برادرانہ تعلقات کوں اجاگر کیتا اتے عالمی امن تے علاقائی استحکام دے حوالے نال پاکستان دے موقف دا ݙسیا۔ انہاں مشترکہ سکیورٹی چیلنجز نال نبڑݨ کیتے تعاون تے مشترکہ کوششاں دی اہمیت تے زور ݙتا۔ شام دے وزیرِ خارجہ علاقائی امن تے استحکام دے فروغ اچ پاک فوج تے مسلح افواجِ پاکستان دے پیشہ ورانہ کردار کوں سراہیا۔ ݙوہیں پاسوں ݙوپاسہ تعلقات کوں ٻیا مضبوط بݨاوݨ تے دفاع تے سکیورٹی دے شعبیاں اچ رابطیاں تے تعاون کوں ودھاوݨ دا عزم کیتا ڳئیا۔
