سپریم کورٹ دے فیصلے دی روشنی اچ بانی پی ٹی آئی دا ہسپتال اچ طبی معائنہ، صحت مند قرار، اڈیالہ جیل ولدا منتقل کر ݙتا ڳیا: عطاء اللہ تارڑ

اسلام آباد۔21اگست (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو سپریم کورٹ دے فیصلے دی روشنی اچ بانی پی ٹی آئی دا ہسپتال اچ طبی معائنہ کروایا ڳیا، طبی معائنے دے مطابق بانی پی ٹی آئی صحت مند ہن ، تمام عمل مکمل تھیوݨ دے بعد انہاں کوں ولدا اڈیالہ جیل منتقل کر ݙتا ڳیا۔ جمعے کوں سماجی رابطے دے پلیٹ فارم “ایکس” تے آپݨی پوسٹ اچ وفاقی وزیرِ اطلاعات آکھیا جو سپریم کورٹ دے فیصلے دی روشنی اچ قیدی کوں 20 تے 21 اگست 2026ء دی وچلی رات مناسب حفاظتی انتظامات دے تحت ہسپتال آندا ڳیا، ماہرِ امراضِ چشم، ماہرِ امراضِ قلب تے فزیشن سمیت مستند ڈاکٹران دی ٹیم انہاں دا تفصیلی معائنہ کیتا اتے انہاں کوں طبی طور تے صحت مند قرار ݙتا۔ انہاں دی بھیݨ عظمیٰ خان طبی معائنے تے علاج دے تمام مراحل دے دوران موجود رہیاں۔ اے تمام عمل مکمل تھیوݨ دے بعد انہاں کوں 21 اگست 2026ء دی فجریں تقریباً 5 وڄے اڈیالہ جیل ولدا منتقل کر ݙتا ڳیا۔ وفاقی وزیرِ اطلاعات بئی تفصیلات ݙسیندیں ہوئیں ݙسایا جو طبی معائنہ پمز ہسپتال اچ کروایا ڳیا جئیں اچ شفا انٹرنیشنل ہسپتال دے ڈاکٹر وی موجود ہن۔ پی ٹی آئی دے کارکناں ولوں سکیورٹی دی جو صورتحال شفا انٹرنیشنل ہسپتال دے راہ اچ تے ٻاہر پیدا کیتی ڳئی، ایں کوں ݙیکھدیں ہوئیں انہاں کوں پمز ہسپتال آندا ڳیا اتے طبی معائنے دے مطابق او صحت مند پاتے ڳئے۔ انہاں کوں پہلے وی طبی سہولتاں فراہم کیتی ویندی رہین اتے ہݨ وی جݙاں انہاں کوں لوڑح پوسی طبی سہولتاں فراہم کیتی ویسن۔