یکم جولائی توں 20 اگست تئیں پٹرول تے لیوی 66.64، ڈیزل تے 79.54 توں ودھا تے 80، 80 روپے کیتی ڳئی: وزارتِ توانائی دا قومی اسمبلی اچ جواب

اسلام آباد۔21اگست (اے پی پی) وزارتِ توانائی (پٹرولیم ڈویژن) ولوں یکم جولائی توں 20 اگست تئیں پٹرولیم لیوی دی شرح دی تفصیلات قومی اسمبلی اچ پیش کر ݙتی ڳئی، یکم جولائی 2026ء کوں پٹرول تے فی لیٹر لیوی 66 روپے 64 پیسے جݙاں جو ڈیزل تے 79 روپے 54 پیسے ہئی جو 20 اگست 2026ء کوں 80، 80 روپے تھی ڳئی۔ جمعے کوں قومی اسمبلی وچ پیش کیتے ڳئے غیر نشانزدہ سوالاں تے انہاں دے جواب اچ آصف خان ولوں پچھیے ڳئے سوال دے جواب اچ وزیر برائے توانائی (پٹرولیم ڈویژن) علی پرویز ولوں ݙسایا ڳیا جو غیر معمولی بین الاقوامی منڈی دے لاہے چاڑھے دے دوران صارفین کوں تحفظ فراہم کرݨ کیتے پٹرولیم لیوی دی شرح اچ کمی کیتی ڳئی ہئی، منظور شدہ بجٹ دے ہدف دے مطابق مرحلہ وار ایں کوں بحال کیتا ڳئے، انہاں ولوں ݙتے ڳئے اعداد و شمار دے مطابق یکم جولائی 2026ء توں 20 اگست 2026ء تک پٹرول تے لیوی 13 روپے 36 پیسے ودھائی ڳئی اے جݙاں جو ڈیزل تے فی لیٹر یکم جولائی 2026ء کوں مقرر 79 روپے 54 پیسے اچ بتدریج کمی کریندے ہوئیں 11 جولائی 2026ء کوں 70 روپے 82 پیسے جݙاں جو 20 اگست کوں ایں کوں ودھا تے 80 روپے مقرر کیتا ڳئے۔ ایں مالی سال دے وفاقی بجٹ اچ پٹرولیم لیوی دیاں وصولیاں دے ضمن اچ 1676 ارب روپے دا ہدف مقرر کیتا ڳئے جئیں دی بنیاد تے پٹرول تے ڈیزل تے اوسط فی لیٹر لیوی 80 روپے اے۔