اسلام آباد۔21 اگست(اے پی پی)پاکستان، ترکیہ، الجزائر، انڈونیشیا، اردن، لبنان، ملائیشیا، موریطانیہ، فلسطین، قطر، سعودی عرب اتے صومالیہ دے وزرائے خارجہ شمال مغربی شام اچ ابو الظہور فوجی اݙے کوں نشانہ بݨاوݨ والے اسرائیلی فضائی حملیاں دی شدید مذمت کیتی اے اتے انہاں حملیاں کوں شام دی خودمختاری، علاقائی سالمیت اتے سیاسی وحدت دی سنگین خلاف ورزی تے اشتعال انگیزی قرار ݙتے۔ دفتر خارجہ توں جاری بیان دے مطابق مشترکہ …
پاکستان سودھا کئی اسلامی ملکاں دی شام اچ فوجی اݙے کوں نشانہ ٻݨاوݨ والے اسرائیلی فضائی حملیاں دی شدید مذمت
مزید خبراں
اسلام آباد۔21 اگست(اے پی پی)پاکستان، ترکیہ، الجزائر، انڈونیشیا، اردن، لبنان، ملائیشیا، موریطانیہ، فلسطین، قطر، سعودی عرب اتے صومالیہ دے وزرائے خارجہ شمال مغربی شام اچ ابو الظہور فوجی اݙے کوں نشانہ بݨاوݨ والے اسرائیلی فضائی حملیاں دی شدید مذمت کیتی اے اتے انہاں حملیاں کوں شام دی خودمختاری، علاقائی سالمیت اتے سیاسی وحدت دی سنگین خلاف ورزی تے اشتعال انگیزی قرار ݙتے۔ دفتر خارجہ توں جاری بیان دے مطابق مشترکہ اعلامیہ اچ وزرائے خارجہ شام دی سرزمین اتے بنیادی ڈھانچے کوں مسلسل نشانہ بݨاوݨ فاݙھا چنتا کیتے جو اینڄھے اقدامات شام اچ سلامتی دی بحالی، قومی اداریاں دی تعمیرِ نو اتے وݙی مُد توں جاری تنازعے نال سامݨے آوݨ والے انسانی بحران نال نمٹݨ دیاں کوششاں کوں براہ راست نقصان پچا سڳدن۔ انہاں آکھیا جو اسرائیل ولوں شام دی خودمختاری اتے علاقائی سالمیت دیاں مسلسل خلاف ورزیاں کشیدگی ٻئی ودھاوݨ۔ علاقائی امن و استحکام کوں نقصان پچاوݨ، بین الاقوامی قانون اتے اقوام متحدہ دے منشور دے اصولاں دے احترام کوں کمزور کرݨ دا باعث بݨ سڳدن۔ وزرائے خارجہ عالمی برادری تے زور ݙتا جو او شام دے خلاف جاری جارحیت پاروں مضبوط، واضح اتے اصولی موقف اختیار کرے اتے بین الاقوامی قانون اتے اقوام متحدہ دے منشور دے مطابق انہاں خلاف ورزیاں کوں مکاوݨ سانگے ٹھوس اقدامات کرے۔ انہاں 1974ء دے معاہدے دا مکمل احترام یقینی بݨاوݨ اتے اسرائیلی افواج کوں انہاں علاقیاں توں واپس سݙواوݨ دا مطالبہ کیتا جتھاں انہاں قبضہ کیتا ہوئے تاں جو ٻئی کشیدگی کوں روک تے علاقائی امن و استحکام دا تحفظ کیتا ونڄ سڳے۔ انہاں شام دی خودمختاری، آزادی، علاقائی سالمیت اتے سیاسی وحدت دے احترام کوں لازمی قرار ݙیندے انہاں کوں نقصان پچاوݨ دی کہیں وی کوشش کوں مسترد کرݨ تے زور ݙتے۔
