نیشنل پریس کلب اسلام آباد کوں انسٹیٹیوٹ دا درجہ ݙیوݨ کیتے کوالیفیکیشن ڈویلپمنٹ کمیٹی دا اجلاس، ڈیجیتل میڈیا اتے اے آئی ٹولز بارے 5 مختلف کورسز دے سلیبس کوں حتمی شکل ݙتی ڳئی

اسلام آباد۔21 اگست(اے پی پی)نیشنل پریس کلب اسلام آباد اتے نیشنل ووکیشنل اینڈ ٹیکنیکل ٹریننگ کمیشن “نیوٹیک” دے ڳانݙھے نال نیشنل پریس کلب کوں انسٹیٹیوٹ دا درجہ ݙیوݨ کیتے کوالیفیکیشن ڈویلپمنٹ کمیٹی دا اجلاس تھئے جیندے اچ 5 کورسز ڈیجیٹل میڈیا، سٹوری ٹیلنگ، کیمرا مین، کنٹینٹ کری ایشن اتے جرنلزم سودھا اے آئی کورسز دے سلیبس کوں حتمی شکل ݙتی ڳئی۔ ایں سانڳے نیشنل پریس کلب اسلام آباد اچ اختتامی تقریب تھئی جیندی مہمان خصوصی رکن قومی اسمبلی و وزیراعظم یوتھ پروگرام دی فوکل پرسن سیدہ آمنہ بتول ہن۔ تقریب اچ صدر نیشنل پریس کلب عبدالرزاق سیال، سیکرٹری ڈاکٹر فرقان راؤ، ڈائریکٹر جنرل “نیوٹیک” ڈاکٹر محمد اسحاق، انٹرنیشنل لیبر آرگنائزیشن “آئی ایل او” دے سینئر پروگرام آفیسر سید صغیر بخاری سودھا تربیتی پروگرام اچ شریک صحافیاں، ماہرین، ٹرینرز اتے ٻئے معزز شخصیات شرکت کیتی۔ اپݨے خطاب اچ مہمان خصوصی رکن قومی اسمبلی سیدہ آمنہ بتول آکھیا جو موجودہ دور اچ صحافت دا شعبہ تیزی نال تبدیل تھیندا پئے اتے جدید ٹیکنالوجی، ڈیجیٹل میڈیا، مصنوعی ذہانت، تحقیق، فیکٹ چیکنگ اتے ڈیجیٹل صحافت سودھا ٻئے شعبیاں اچ مہارت حاصل کرݨ صحافیاں کیتے ضروری تھی چکیے۔ انہاں نیشنل پریس کلب اتے”نیوٹیک” دے ایں ڳانݙھے کوں سراہندے آکھیا جو صحافیاں دی جدید تقاضیاں دے مطابق تربیت ویلھے دی وݙی لوڑھ اے، اینڄھے تربیتی پروگرام صحافیاں کوں بدلدے میڈیا دے منظرنامے، جدید ٹیکنالوجی اتے پیشہ ورانہ چیلنجز نال نمٹݨ سانگے ضروری علمی اتے عملی صلاحیتاں دا موقع ݙیندن۔