آندے 24 گھنٹیاں اچ لاہور سمیت پنجاب دے کئی شہراں اچ بارش دا امکان

لاہور۔22اگست (اے پی پی) آندے 24 گھنٹیاں اچ لاہور سمیت پنجاب دے کئی شہراں اچ بارش دا امکان اے، بارشاں دا اے سلسلہ 23 اگست تئیں رہسی۔  ترجمان پی ڈی ایم اے دے مطابق گزریل 24 گھنٹیاں اچ پنجاب دے مختلف اضلاع اچ بارش ریکارڈ کیتی ڳئی، جنہاں اچ سب توں ودھ سیالکوٹ اچ 87 ملی میٹر، مری تے نارووال وچ 53، راولپنڈی اچ 21، گجرات 24، گوجرانوالہ 03، منگلا 07 تے اٹک اچ 01 ملی میٹر بارش ریکارڈ کیتی ڳئی۔ ترجمان دے مطابق آندے 24 گھنٹیاں اچ وی کئی اضلاع راولپنڈی، اٹک، چکوال، جہلم، گوجرانوالہ، سیالکوٹ، نارووال، گجرات تے منڈی بہاؤالدین اچ ٻئی بارشاں دی پیشگوئی اے۔ ایں طرحاں صوبائی دارالحکومت لاہور، سرگودھا، فیصل آباد، جھنگ، ٹوبہ ٹیک سنگھ، ساہیوال تے اوکاڑہ، بھکر، لیہ، ڈیرہ غازی خان، ملتان، بہاولپور، بہاولنگر اتے رحیم یار خان اچ بارش متوقع اے۔