فی ایکڑ پیداوار اچ اضافے کیتے چھوٹے تے درمیانے درجے دے کساناں کوں ہر قسم دی معاونت فراہم کرݨ حکومت دی پہلی ترجیح اے: وزیراعظم شہباز شریف

لاہور۔22اگست (اے پی پی) وزیراعظم محمد شہباز شریف فی ایکڑ پیداوار اچ اضافے کیتے چھوٹے تے درمیانے درجے دے کساناں کوں ہر قسم دی معاونت فراہم کرݨ کوں حکومت دی پہلی ترجیح قرار ݙیندیں ہوئیں کساناں کوں معیاری ٻج دی فراہمی کوں یقینی بݨاوݨ تے زرعی تحقیق دے اداریاں کوں ٻیا فعال بݨاوݨ دی ہدایت کیتی اے۔ وزیرِ اعظم محمد شہباز شریف دی صدارت زرعی شعبے دی اصلاحات تے شعبے دی ترقی کیتے حکومت دے پالیسی اقدامات تے عملدرآمد دے حوالے نال جائزہ اجلاس ہفتے کوں تھیا۔ وزیر اعظم آفس دے میڈیا ونگ توں جاری بیان دے مطابق وزیر اعظم اجلاس نال خطاب کریندیں ہوئیں آکھیا جو فی ایکڑ پیداوار اچ اضافے کیتے چھوٹے تے درمیانے درجے دے کساناں کوں ہر قسم دی معاونت فراہم کرݨ حکومت دی پہلی ترجیح اے۔ انہاں سرٹیفائیڈ کمپنیاں ولوں کساناں کوں معیاری ٻج دی فراہمی یقینی بݨاوݨ تے تمام سٹیک ہولڈرز کوں اعتماد وچ گھن تے فصلاں دی پیداوار دے قومی سطح تے تخمینیاں کیتے جامع پلان مرتب کرݨ تے زرعی شعبے دی ترقی کیتے زرعی تحقیق دے اداریاں کوں مزید فعال بݨاوݨ دی ہدایت کیتی۔ انہاں Aکھیا جو یقینی بݨایا ونڄے جو چھوٹے تے درمیانے درجے دے کسان حکومت دی زرعی شعبے وچ جدت دی اصلاحات توں بھرپور فائدہ چاون۔ چین توں گزریل سال زرعی تربیت حاصل کر تے واپس آوݨ آلے طلباء و طالبات دے تجربے توں بھرپور فائدہ چاتا ونڄے۔ اجلاس کوں وزارتِ قومی غذائی تحفظ تے تحقیق ولوں زرعی شعبے دی اصلاحات کیتے اقدامات تے عملدرآمد تے پیش رفت دا ݙسیا ڳئیا۔ اجلاس کوں ملک اچ کݨک دی طلب، کاشت دے رقبے تے آندی فصل دی پیداوار دے تخمینے تے وی بریفنگ ݙتی ڳئی۔ وزیرِ اعظم تمام سٹیک ہولڈرز نال مشاورت دے بعد قومی سطح تے فصلاں دے تخمینیاں کیتے ہک جامع نظام مرتب کرݨ دی ہدایت کیتی۔ اجلاس کوں بتایا ڳیا جو وزیراعظم دی ہدایات دی روشنی اچ ایگریکلچر انوویشن اینڈ گروتھ پلان 2026-27 دے تحت ترجیحی اقدامات تے پیش رفت تکھی کر ݙتی ڳئی اے۔ منصوبے اچ کساناں کوں مالی سہولت، زرعی مشینری دی فراہمی، جدید ٹیکنالوجی تے ڈیجیٹلائزیشن، تحقیق تے استعدادِ کار وچ اضافہ تے غذائی تحفظ سمیت مختلف شعبیاں تے توجہ مرکوز کیتی ویندی پئی اے۔ اہم اقدامات اچ کین گراور ری فنانسنگ، فصلاں دی انشورنس، الیکٹرانک ویئر ہاؤس رسید فنانسنگ، فارم مشینری فنانسنگ تے وزیراعظم نیشنل ڈسٹرکٹ ڈویلپمنٹ پروگرام شامل ہن۔ اجلاس کوں ٻیا ݙسیا ڳیا جو زرعی شعبے اچ جدید ٹیکنالوجی تے مصنوعی ذہانت (AI) دے استعمال کوں وی ترجیح ݙتی ویندی پئی اے۔ پاکستان ٹوبیکو بورڈ آٹومیشن پراجیکٹ، سپارکو دے ذریعے فصلاں دے جائزے دے پروگرام تے کیڑیاں تے ٻوٹیاں دی سنڄاݨ کیتے اے آئی تے مبنی ایپ سمیت مختلف اقدامات تے پیش رفت جاری اے۔ متعدد قلیل مدتی اقدامات تے عملدرآمد شروع تھی ڳئے۔ اجلاس کوں ملکی برآمدات تے دیہی آمدݨ اچ اضافے کیتے آرگینک زراعت دے فروغ دے حوالے نال اقدامات تے وی بریفنگ ݙتی ڳئی۔ اجلاس کوں این اے آر سی دے نویں ماسٹر پلان دے حوالے نال بریفنگ ݙیندیں ہوئیں ݙسیا ڳیا جو نیشنل ایگریکلچر ریسرچ سینٹر کوں بین الاقوامی تقاضیاں نال ہم آہنگ کرݨ کیتے ایں کوں 7 اضلاع اچ تقسیم کیتا ویندا پئے۔ نویں ماسٹر پلان دے تحت پنج سینٹر آف ایکسیلینس، ریفرنس لیبارٹریاں، بائیو ریپازیٹری، نویں تحقیقی سینٹرز بشمول نجی شعبے کیتے تحقیقی پارک، بین الاقوامی تعاون کیتے سینٹر، لیونگ لیبارٹری تے پبلک ڈسکوری پارک جہیاں سہولتاں قائم کیتیاں ویسن۔ وزیرِ اعظم ماسٹر پلان دی منظوری ݙیندے ہوئیں ایں کوں جلدی مکمل کرݨ دی ہدایت کیتی۔ اجلاس اچ وفاقی وزراء احد خان چیمہ، اعظم نذیر تارڑ، رانا تنویر حسین تے وزیرِ اعظم دے کوارڈینیٹر برائے زراعت احمد عمیر شرکت کیتی۔ نائب وزیرِ اعظم تے وزیرِ خارجہ سینیٹر محمد اسحاق ڈار، وفاقی وزیرِ خزانہ محمد اورنگزیب، مشیرِ وزیرِ اعظم محمد علی، وزیرِ مملکت بلال اظہر کیانی، معاونِ خصوصی طارق باجوہ تے متعلقہ اعلیٰ حکام ویڈیو لنک دے ذریعے اجلاس اچ شرکت کیتی۔