پاکستانی کوہ پیما ڈاکٹر اسما دی میت کوں اسپانٹک ماؤنٹین توں واپس گھن آوݨ کیتے تمام اقدامات کیتے ویسن: عطاء اللہ تارڑ

اسلام آباد۔23اگست (اے پی پی) وفاقی وزیرِ اطلاعات تے نشریات عطاء اللہ تارڑ پاکستانی کوہ پیما ڈاکٹر اسما دی میت کوں قراقرم دے بلند پہاڑی مقام اسپانٹک ماؤنٹین توں واپس گھن آوݨ دے حوالے نال تفصیلات توں آگاہ کریندیں ہوئیں آکھیا جو ڈاکٹر اسما دی میت واپس ڳھن آوݨ کیتے توقع ہئی جو ریسکیو اہلکار کیمپ 3 تئیں پڄ تے میت کوں کل تئیں بیس کیمپ منتقل کر گھنسن۔ اتوار کوں سماجی رابطے دے پلیٹ فارم “ایکس” تے آپݨی ہک پوسٹ اچ انہاں آکھیا جو ریسکیو ٹیم کیمپ 3 دے نیڑے تقریباً پڄ ڳئی ہئی جڈانجو شدید موسمی حالات، شدید برف باری تے تیز ہواواں پاروں ٹیم کوں واپس کیمپ 2 آوݨا پئیا۔ انہاں آکھیا جو ہیلی کاپٹر دے استعمال دی اجازت ݙے ݙتی ڳئی اے جݙاں جو گلگت بلتستان حکومت تے ایف سی این اے وچال کوآرڈینیشن وی مکمل اے، متبادل انتظامات وی موجود ہن۔ عطاء اللہ تارڑ آکھیا جو موجودہ مشکل موسمی حالات اچ میت دی واپسی کیتے جو کڄھ ممکن تھیسی، او تمام اقدامات کیتے ویسن۔ انہاں آکھیا جو وزیراعظم شہباز شریف کوں صورتحال توں مسلسل آگاہ رکھیا ویندا پئے۔