پنجاب دے ودھ سارے علاقیں اچ موسم رُکھا،لاہور، ملتان، دیرہ غازی خان تے لیہ اچ مینھ وسݨ دا امکان ، محکمہِ موسمیات

لاہور۔24اگست (اے پی پی) محکمہِ موسمیات موجب آندے چووی گھنٹے اچ پنجاب دے ودھ سارے علاقیں اچ موسم رکھا تے گرم رہݨ دا امکان اے تاں جو لاہور، ملتان، دیرہ غازی خان تے لیہ دے کجھ علاقیں اچ زور دی ہوا گھلݨ تے کھمݨ گاجاں نال مینھ وسݨ دا امکان اے۔گزریل چوووی گھنٹے اچ صوبائی دارالحکومت لاہور سودھے پنجاب دے مختلف شہراں وچ موسم جھڑ آلا ریہا جݙاں جو ٻئے علاقیں وچ موسم گرم تے مرطوب ریہا۔ گزریل ݙینھ شہر دا گھٹ توں گھٹ درجہ حرارت 28 تے ودھ توں ودھ 37 سینٹی گریڈ ریہا جݙاں جو ہوا وچ نمی دی شرح 49 فیصد ریکارڈ کیتی ڳئی۔