وفاقی وزیرِ تجارت دی صدارت فارن ٹریڈ ونگز دا داخلی اجلاس، برآمدات اچ اضافے کیتے کوششاں ٻئی تیز کرݨ دی ہدایت

اسلام آباد۔25اگست (اے پی پی) وفاقی وزیرِ تجارت جام کمال خان دی صدارت فارن ٹریڈ ونگز دا اہم داخلی اجلاس تھیا۔ منگل کوں ترجمان وزارتِ تجارت دے مطابق اجلاس اچ وفاقی وزیر پاکستان دی برآمدات اچ اضافے کیتے کوششاں ٻئی تیز کرݨ دی ہدایت کیتی۔ وفاقی وزیرِ تجارت ابھردی منڈیاں اچ پاکستانی برآمدات دی حوصلہ افزا نمو تے اطمینان دا اظہار کیتا۔ انہاں آکھیا جو مارکیٹ تنوع، مضبوط بی ٹو بی روابط تے بیرونِ ملک تجارتی مشنز نال رابطے ودھائے ونڄن۔ انہاں چاول، ٹیکسٹائل، زرعی مصنوعات، فارماسیوٹیکل، پراسیسڈ فوڈ، لائٹ انجینئرنگ تے سروسز کیتے نویں منڈیاں تلاش کرݨ دی ہدایت وی کیتی۔ وفاقی وزیرِ تجارت آکھیا جو فارن ٹریڈ ونگز ترجیحی مصنوعات تے مارکیٹ رسائی کیتے ہر ملک کیتے انڄ انڄ ایکشن پلان تیار کرن، تجارتی معاہدے پاکستان کیتے متوازن تے بامعنی تجارتی فوائد دے حامل ہووݨے چاہیدن۔ انہاں آکھیا جو زیرِ التوا جوائنٹ ٹریڈ کمیٹی تے جوائنٹ ورکنگ گروپ اجلاس جلدی کیتے ونڄن اتے وزارتِ تجارت، وزارتِ خارجہ، بیرونِ ملک مشنز تے کاروباری اداریاں دے نال رابطہ ٻیا موثر بݨاون۔