فیلڈ مارشل عاصم منیر تے وزیرِ داخلہ محسن نقوی دی صدرِ ایران نال ملاقات، خطے اچ کشیدگی تے مفاہمتی عمل تے اہم ڳالھ مہاڑ

اسلام آباد۔25اگست (اے پی پی) وفاقی وزیرِ داخلہ محسن نقوی آکھیا جو فیلڈ مارشل سید عاصم منیر تے انہاں دی صدرِ ایران دے نال ہک اہم تے تعمیری ملاقات تھیئی اے جئیں اچ ایران تے امریکا وچال تنازعہ، مشرقِ وسطیٰ دی اڄوکی صورتحال تے امن دے قیام کیتے مستقبل دی حکمتِ عملی تے تفصیلی ڳالھ کیتی ڳئی۔ ایں توں علاوہ ’’اسلام آباد مفاہمت دی یادداشت‘‘ دی مکمل بحالی تے تنازعہ دے پرامن حل کیتے ݙوہیں پاسوں ضروری اقدامات تے ڳالھ مہاڑ کیتی ڳئی۔ سوشل میڈیا پلیٹ فارم ’’ایکس‘‘ تے جاری سنیھے اچ وزیرِ داخلہ اکھیا جو ایرانی صدر آپݨی حکومت دا موقف تے تحفظات واضح انداز اچ سامھے رکھیئے، جئیں تے ݙوہیں پاسوں مثبت مکالمہ تھیا۔ انہاں ݙسایا جو ملاقات اچ نمایاں پیش رفت تھئی اے۔ انہاں ایں امید دا اظہار کیتا جو اے پیش رفت خطے اچ پائیدار امن تے استحکام کیتے معاون ثابت تھیسی۔