اسلام آباد۔25اگست (اے پی پی) قومی اسمبلی عید میلاد النبیﷺ کوں شایانِ شان طریقے نال مناوݨ تے نبی اکرم ﷺ دی سنت تے سیرت دے فروغ دے عزم دی حامل قرارداد متفقہ طور تے منظور کر گھدی اے۔ منگل کوں قومی اسمبلی دے اجلاس اچ معمول دی کارروائی معطل کر تے اے قرارداد وفاقی وزیرِ پارلیمانی امور ڈاکٹر طارق فضل چوہدری پیش کیتی جئیں دی ایوان متفقہ طور تے منظوری …
قومی اسمبلی اچ عید میلاد النبیﷺ کوں شایانِ شان طریقے نال مناوݨ دی قرارداد متفقہ طور تے منظور
مزید خبراں
اسلام آباد۔25اگست (اے پی پی) قومی اسمبلی عید میلاد النبیﷺ کوں شایانِ شان طریقے نال مناوݨ تے نبی اکرم ﷺ دی سنت تے سیرت دے فروغ دے عزم دی حامل قرارداد متفقہ طور تے منظور کر گھدی اے۔ منگل کوں قومی اسمبلی دے اجلاس اچ معمول دی کارروائی معطل کر تے اے قرارداد وفاقی وزیرِ پارلیمانی امور ڈاکٹر طارق فضل چوہدری پیش کیتی جئیں دی ایوان متفقہ طور تے منظوری ݙے ݙتی۔ قرارداد اچ آکھیا ڳئے جو اے ایوان 1500 ویں میلاد النبی ﷺ دی تاریخی اہمیت پاروں اے قرارداد پیش کریندے جو وفاقی تے صوبائی الحکومتاں ایں موقع کوں اعلیٰ سطح تے، قومی پروگراماں، میلاد النبیﷺ دی محفلاں، میڈیا مہمات، فلاحی اقدامات، سرکاری تے نیم سرکاری عمارتیاں تے شاہراہواں کوں چراغاں تے سجاوٹ دے ذریعے مناون۔ قرارداد آچ آکھیا ڳئے جو تمام سرکاری تے نجی ادارے بشمول تعلیمی تے کاروباری ادارے، میڈیا ہاؤسز بھرپور شرکت کریندے ہوئیں حضرت محمد ﷺ دی تعلیمات دے مطابق امن، رواداری تے اخوت کوں فروغ ݙیون۔ قرارداد اچ آکھیا ڳئے جو اے ایوان حضرت محمد ﷺ دی سنت تے سیرت دے فروغ دا عزم کریندے تے پوری قوم کنوں اپیل کریندے جو او ایں بابرکت موقع کوں نہایت عقیدت، احترام تے اتحاد دے نال مناون۔
