اسلام آباد۔25اگست (اے پی پی) وفاقی وزیرِ داخلہ محسن نقوی ڈپلومیٹک انکلیو دا دورہ کیتا اتے اتھاں جاری ترقیاتی کماں، چاردیواری دی تعمیر، چیک پوسٹاں دی ری ماڈلنگ، سائیکلنگ تے واکنگ ٹریکس دے منصوبیاں تے پیش رفت دا جائزہ گھدا۔ وفاقی وزیرِ داخلہ چاردیواری تے 24 گھنٹے کم جاری رکھݨ دی ہدایت کریندیں ہوئیں واضح کیتا جو ترقیاتی کماں دے دوران کہیں صورت ہک وی وݨ نہ کپیا ونڄے۔ انہاں …
وفاقی وزیرِ داخلہ دا ڈپلومیٹک انکلیو دا دورہ، جدید تے جامع سکیورٹی پلان بݨاوݨ تے کم دے دوران وݨ نہ کٹݨ دی ہدایت
مزید خبراں
اسلام آباد۔25اگست (اے پی پی) وفاقی وزیرِ داخلہ محسن نقوی ڈپلومیٹک انکلیو دا دورہ کیتا اتے اتھاں جاری ترقیاتی کماں، چاردیواری دی تعمیر، چیک پوسٹاں دی ری ماڈلنگ، سائیکلنگ تے واکنگ ٹریکس دے منصوبیاں تے پیش رفت دا جائزہ گھدا۔ وفاقی وزیرِ داخلہ چاردیواری تے 24 گھنٹے کم جاری رکھݨ دی ہدایت کریندیں ہوئیں واضح کیتا جو ترقیاتی کماں دے دوران کہیں صورت ہک وی وݨ نہ کپیا ونڄے۔ انہاں ڈپلومیٹک انکلیو اچ سڑکاں کوں کشادہ کرݨ، سائیکلنگ تے واکنگ ٹریکس کوں جدید طرز تے تیار کرݨ تے پارکس کوں بین الاقوامی معیار دے مطابق بحال کرݨ دے احکامات جاری کیتے۔ محسن نقوی ڈی آئی جی سکیورٹی کوں ڈپلومیٹک انکلیو دا ازسرِنو جدید تے جامع سکیورٹی پلان بݨاوݨ دی ہدایت کریندیں ہوئیں آکھیا جو ڈپلومیٹک انکلیو کوں جدید، محفوظ تے خوبصورت سفارتی زون بݨیسوں اتے اتھاں دے رہائشیاں کوں عالمی معیار دی سہولتاں تے فول پروف سکیورٹی فراہم کرݨ حکومت دی اولین ترجیح اے۔ ایں موقع تے چیئرمین کیپیٹل ڈویلپمنٹ اتھارٹی (سی ڈی اے) وفاقی وزیرِ داخلہ کوں ڈپلومیٹک انکلیو اچ جاری ترقیاتی منصوبیاں تے ہݨ تئیں دی پیش رفت بارے بریفنگ ݙتی۔ ایں موقع تے ڈپٹی کمشنر اسلام آباد تے سی ڈی اے تے ضلعی انتظامیہ دے ٻئے اعلیٰ افسران وی موجود ہن۔
