حکومت خلوصِ نیت نال سپریم کورٹ دے فیصلے تے عمل کیتے، صحت دے معاملے تےسیاست نا کریسوں، رانا ثناء اللہ

اسلام آباد۔25 اگست(اے پی پی)وزیراعظم دے مشیر اتے سینیٹر رانا ثناء اللہ اکھیے جو حکومت خلوصِ نیت نال سپریم کورٹ دے فیصلے تے عمل کیتے، صحت دے معاملے تے پہلے وی سیاست نئیں کیتی ہݨ وی نا کریسوں۔ سینیٹ اچ الیندے انہاں دا آکھݨ ہئی جو عدالتاں آئین اتے قانون دے تابع رہ تے فیصلے کرݨن، 18 اگست دے عدالتی فیصلے تے حکومت کوں آکھیا ویندا پئے جو عدالت نہ ٻݨو، میں بیرسٹر علی ظفر کوں وی اکھساں جو تساں وی عدالت نہ ٻݨو۔ انہاں اکھیا جو بانی پی ٹی آئی کوں ہسپتال پچایا ڳئے، جتھاں انہاں دا معانہ کیتا ڳئے۔ حکومت آہدی اے جو سپریم کورٹ دے حکم تے مکمل عملدرآمد کیتا ڳئے، شفا انٹرنیشنل ہسپتال اچ بانی پی ٹی آئی کوں منتقل کرݨ نال امن و امان دی صورتحال پیدا تھی سڳدی ہئی، تہوں انہاں کوں پمز منتقل کیتے۔ انہاں پی ٹی آئی تے تنقید کریندے آکھیا جو پارٹی پریس کانفرنس کر تے سپریم کورٹ دے حکم دا آپ مذاق اݙائے، بانی پی ٹی آئی دے بلڈ پریشر تے دل دی دھڑکن دے اعداد و شمار وی ݙسائے ڳئے، ہک صحت مند آدمی دا ایں توں بہتر بلڈ پریشر کیا تھی سڳدے، ایں توں ثابت تھیندے جو ڈاکٹرز دے پینل بانی پی ٹی آئی دا طبی معائنہ کیتا ہئی، صحت دے معاملے تے پہلے سیاست تھئی اے اتے نا ہی اڳو تے کریسوں۔