مسلم لیگ (ن) دے سیکرٹری جنرل چوہدری طارق فاروق قانون ساز اسمبلی دے سپیکر منتخب

مظفر آباد۔25اگست (اے پی پی) مسلم لیگ (ن) دے سیکرٹری جنرل چوہدری طارق فاروق آزاد کشمیر قانون ساز اسمبلی دے سپیکر منتخب تھی ڳئن، او 15ویں سپیکر ہوسن۔ اسمبلی دا اجلاس سپیکر چوہدری لطیف اکبر دی زیرِ صدارت منعقد تھیا جیں وچ سپیکر دے انتخاب کیتے ووٹنگ تھئی۔ ڳݨتری توں بعد سپیکر نتیجے دا اعلان کیتا جیں موجب چوہدری طارق فاروق 32 ووٹ گھن تے 15ویں سپیکر آزاد کشمیر اسمبلی منتخب قرار پاتے۔ سپیکر دے انتخاب وچ پیپلز پارٹی دے امیدوار چوہدری قاسم مجید 13 ووٹ حاصل کیتے، ہک ووٹ مسترد تھیا۔ سپیکر دے انتخاب وچ مجموعی طور تے 46 ارکان ووٹ کاسٹ کیتے