حضوراکرم حضرت محمد مصطفیٰ ﷺ دی سیرتِ طیبہ انسانیت کیتے محبت، اخوت، عدل، برداشت، رواداری تے حسنِ اخلاق دا کامل نمونہ ہے، سپیکر قومی اسمبلی سردار ایاز صادق

اسلام آباد۔25اگست (اے پی پی) سپیکر قومی اسمبلی سردار ایاز صادق عید میلاد النبی ﷺ دے بابرکت موقع تے پوری امتِ مسلمہ بالخصوص پاکستانی قوم کوں مبارخ ݙیندے آکھیے جو حضور اکرم حضرت محمد مصطفیٰ ﷺ دی ولادتِ باسعادت پوری انسانیت کیتے باعثِ رحمت اے، نبی کریم ﷺ دی سیرتِ طیبہ انسانیت کیتے محبت، اخوت، عدل، برداشت، رواداری تے حسنِ اخلاق دا کامل نمونہ اے۔ اے ڳالھ انہاں عید میلاد النبی صلی اللہ علیہ وسلم دے موقع تے قوم دے ناویں آپݨے سنھیے اچ آکھی اے۔سپیکر سردار ایاز صادق آکھیا جو حضور اکرم ﷺ آپݨے اسوہِ حسنہ نال انسانیت کوں امن، مساوات، بھرپی تے احترامِ انسانیت دا درس ݙتا۔ انہاں آکھیا جوعید میلاد النبی ﷺ دا ݙینہہ اساں کوں آپݨی انفرادی تے اجتماعی زندگیاں وچ آپ ﷺ دی تعلیمات کوں اپناوݨ تے معاشرے وچ محبت، اخوت، سانجھے احترام تے رواداری ودھاوݨ دے عہد دی تجدید دا موقع ݙیندے۔ سپیکر سردار ایاز صادق آکھیا جو نبی کریم ﷺ نال محبت ساݙے ایمان دا لازمی حصہ اے تے ایں محبت دا حقیقی تقاضا اے جو اساں آپݨی زندگیاں وچ آپ ﷺ دی تعلیمات تے اسوہِ حسنہ دی پیروی کروں۔سپیکر سردار ایاز صادق آکھیا جو نبی کریم حضرت محمد مصطفیٰ ﷺ دی تعلیمات کہیں ہک قوم، طبقے یا مذہب تئیں محدود کائنی بلکہ پوری انسانیت کیتے رحمت، عدل، مساوات، رواداری تے احترام دا عالمگیر پیغام ہن۔