اسلام آباد۔25اگست(اے پی پی)وفاقی وزیرِ خزانہ و محصولات سینیٹر محمد اورنگزیب نال پاکستان اچ جرمنی دی سفیر انا لیپل ملین۔ جرمنی دی سفیر موڈیز ولوں پاکستان دی خودمختار کریڈٹ ریٹنگ اچ بہتری تے وزیرِ خزانہ کوں مبارک ݙتی اتے علاقائی جغرافیائی و تزویراتی چیلنجز دے باوجود پاکستان دی معاشی صورتحال اچ بہتری دی تعریف کریندے آکھیا جو کریڈٹ ریٹنگ اچ بہتری نال پاکستان دے معاشی مستقبل اتے اصلاحات دے اقدامات …
وفاقی وزیرِ خزانہ و محصولات سینیٹر محمد اورنگزیب نال جرمنی دی سفیر انا لیپل دی ملاقات
اسلام آباد۔25اگست(اے پی پی)وفاقی وزیرِ خزانہ و محصولات سینیٹر محمد اورنگزیب نال پاکستان اچ جرمنی دی سفیر انا لیپل ملین۔ جرمنی دی سفیر موڈیز ولوں پاکستان دی خودمختار کریڈٹ ریٹنگ اچ بہتری تے وزیرِ خزانہ کوں مبارک ݙتی اتے علاقائی جغرافیائی و تزویراتی چیلنجز دے باوجود پاکستان دی معاشی صورتحال اچ بہتری دی تعریف کریندے آکھیا جو کریڈٹ ریٹنگ اچ بہتری نال پاکستان دے معاشی مستقبل اتے اصلاحات دے اقدامات تے اعتماد ٻیا ودھسی۔ وزیرِ خزانہ بالخصوص کلی معیشت دے استحکام بارے اڄوکی اڳونہی تے سوڄھلا پاتا۔ ملاقات اچ پاکستان اچ کم کرݨ والیاں جرمن کثیر القومی کمپنیاں بارے امور اتے کاروباری ماحول کوں ٻیا چنڳاں ٻݨاوݨ دے امکانات تے وی الایا۔ جرمن سفیر وزیرِ خزانہ کوں 19ویں ایشیا پیسیفک کانفرنس آف جرمن بزنس اچ شرکت دی دعوت وی ݙتی جیڑھی ایں سال جنوبی کوریا دے دارالحکومت سیئول اچ تھیسی۔ ملاقات اچ پاکستان اتے جرمنی وچال قریبی رابطیاں کوں برقرار رکھݨ، اقتصادی تعاون دے نویں مواقع ڳولݨ اتے ݙوطرفہ کاروباری روابط کوں ودھ تکڑا کرݨ دا مشترکہ عزم دوہرایا۔
