اقوامِ متحدہ۔27اگست (اے پی پی) اقوامِ متحدہ دے امدادی اداریاں نیپال تے تبت دی سرحد تے تباہ کن چھل تے لینڈ سلائیڈنگ توں متاثرہ علاقیاں اچ ہنگامی امدادی سرگرمیاں شروع کر ݙتن۔ اچانک آوݨ آلے ایں شدید چھل تے لینڈ سلائیڈنگ دے نتیجے اچ درجناں افراد ہلاک اتے سینکڑاں افراد لاپتہ تھی ڳئن۔ اقوامِ متحدہ دے ترجمان اسٹیفن دوجارک آکھیا جو اقوامِ متحدہ دے ادارے اتے انسانی امداد دے شراکت …
اقوامِ متحدہ دے امدادی اداریاں نیپال تے تبت دی سرحد تے تباہ کن چھل تے لینڈ سلائیڈنگ توں متاثرہ علاقیاں اچ ہنگامی امدادی سرگرمیاں شروع کر ݙتیاں
مزید خبراں
اقوامِ متحدہ۔27اگست (اے پی پی) اقوامِ متحدہ دے امدادی اداریاں نیپال تے تبت دی سرحد تے تباہ کن چھل تے لینڈ سلائیڈنگ توں متاثرہ علاقیاں اچ ہنگامی امدادی سرگرمیاں شروع کر ݙتن۔ اچانک آوݨ آلے ایں شدید چھل تے لینڈ سلائیڈنگ دے نتیجے اچ درجناں افراد ہلاک اتے سینکڑاں افراد لاپتہ تھی ڳئن۔ اقوامِ متحدہ دے ترجمان اسٹیفن دوجارک آکھیا جو اقوامِ متحدہ دے ادارے اتے انسانی امداد دے شراکت دار مقامی حکام دی معاونت کریندے پئن۔ انہاں ݙسایا جو نیپال اچ تقریباً 10 ہزار گھرانے فوری امداد دے محتاج ہن۔ اقوامِ متحدہ دی ٹیماں صورتحال دا جائزہ گھنݨ تے امدادی ضروریات دا تعین کرݨ اچ وی مصروف ہن۔ ترجمان دے مطابق چین دے تبت خودمختار علاقے اچ وی وݙے پیمانے تے تباہی تے جانی نقصان دی اطلاعات موصول تھین جڈانجو اقوامِ متحدہ چینی حکومت دی زیرِ قیادت امدادی کوششاں اچ معاونت کیتے تیار اے۔ سیو دی چلڈرن چھل توں متاثرہ ضلع نوواکوت اچ عملہ تعینات کر ݙتے جدانجو نیپال ریڈ کراس 200 ہنگامی پناہ گاہواں دے پیکیجز روانہ کیتن۔
