پاک فوج کویتی مسلح افواج دی تربیت اتے سرحدی دفاع اچ معاونت کریسی، پروٹوکول معاہدہ طے پا ڳیا

راولپنڈی ۔27 اگست(اے پی پی)کویت دے اعلیٰ سطح دے وفد وزارتِ دفاع راولپنڈی اچ وزیرِ دفاع خواجہ آصف نال ملاقات کیتی۔ وفد دی قیادت کویتی وزیرِ دفاع شیخ عبداللہ علی عبداللہ السالم الصباح کیتی۔ کویتی مسلح افواج دے چیف آف جنرل سٹاف لیفٹیننٹ جنرل خالد درج سعد الشریعان وی وفد دے نال ہن۔

ملاقات اچ باہمی دلچسپی دے امور، ݙو طرفہ دفاعی تعلقات، سکیورٹی تعاون اتے دفاعی روابط ٻئے تکڑے ٻݨاوݨ تے ڳالھ مہاڑ کیتی ڳئی۔ پاکستان اے کویت “پروٹوکول معاہدہ 2026” تے دستخط کیتن۔ ایں نویں معاہدے نال “دفاعی تعاون معاہدہ 2023” دے تحت قائم موجودہ عسکری تعاون دے فریم ورک کوں ٻیا ودھایا ویسی، پاک افواج، کویتی مسلح افواج کوں مختلف شعبیاں اچ معاونت ݙیسن، تربیت، استعدادِ کار ودھاوݨ، سرحدی انتظام اتے دفاعی تعاون دے ٻئے شعبیاں اچ تعاون کیتا ویسی۔ وزارتِ دفاع دے مطابق اے معاہدہ ݙوہائیں ٻھرا ملکاں وچال ڳھاٹے اعتماد، باہمی احترام اتے مشترکہ تزویراتی مفادات دا عکاس اے۔ ݙوہائیں پاسوں باہمی سلامتی اتے خطے اچ امن اتے استحکام کیتے شراکت داری ودھاوݨ دا عزم دوہرایا ڳیا۔