پاکستان انڈر 19 ٹیم دے دورہِ انگلینڈ کیتے 15 رکنی سکواڈ دا اعلان

لاہور ۔27 اگست(اے پی پی)پاکستان کرکٹ بورڈ (پی سی بی) انگلینڈ دے دورے کیتے پاکستان انڈر 19 ٹیم دے 15 رکنی سکواڈ دا اعلان کر ݙتے۔ پاکستان انڈر 19 ٹیم دا دورہِ انگلینڈ 2 ستمبر توں شروع تھیسی، جتھاں قومی جونیئر ٹیم ارنڈیل کاسل کرکٹ گراؤنڈ اچ ہکو یوتھ ٹیسٹ میچ کھیݙیسی۔ دورے اچ پاکستان اتے انگلینڈ وچال 4 یوتھ ون ڈے میچز وی شامل ہن۔ سڄے ہتھ دے بیٹر فرحان یوسف کوں پاکستان انڈر 19 ٹیم دا کپتان مقرر کیتا ڳئے۔ سکواڈ اچ 4 فاسٹ بولرز محمد صیام، عبدالسبحان، رضوان اللہ اے عمر زیب شامل ہین۔ اسپن دے شعبے اچ محمد حذیفہ اتے نقاب شفیق ہوسن۔ آل راؤنڈرز اچ علیان سلمان، احمد حسین، جہانگیر بلال اتے حائم خان شامل ہین۔ حمزہ ظہور اتے عبدالقادر کوں بطور وکٹ کیپر اسکواڈ اچ رکھیا ڳئے۔ ٹیم اچ بیٹر عثمان خان اتے حسنین عباس ڈار وی ہوسن۔ پاکستان انڈر 19 اسکواڈ 30 اگست کوں لاہور توں انگلینڈ روانہ تھیسی۔ پاکستان انڈر 19 ٹیم 2 توں 5 ستمبر تئیں ٹیسٹ میچ کھیݙسی جیندے توں بعد ون ڈے سیریز 9، 12، 14 تے 16 ستمبر کوں کھیݙسی۔ شاہد انور پاکستان انڈر 19 ٹیم دے ہیڈ کوچ ہوسن ڄݙاں جو راؤ افتخار انجم فاسٹ بولنگ کوچ، زوہیب خان سپن بولنگ کوچ اتے ہمایوں فرحت فیلڈنگ کوچ ہوسن۔