اسلام آباد۔28اگست (اے پی پی) وفاقی وزیرِ پٹرولیم علی پرویز ملک ملک دی پنج وݙیاں آئل ریفائنریاں، پاک عرب ریفائنری لمیٹڈ، پاکستان ریفائنری لمیٹڈ (پی آر ایل)، نیشنل ریفائنری لمیٹڈ (این آر ایل)، سائنرجیکو تے اٹک ریفائنری لمیٹڈ (اے آر ایل) دی انتظامیہ نال انڄ انڄ ملاقاتاں کیتیاں، جیندے اچ براؤن فیلڈ ریفائنری اپ گریڈیشن پالیسی تے عملدرآمد، ریفائنریاں دی مالی تے آپریشنل کارکردگی تے ملکی توانائی دے تحفظ کوں …
وفاقی وزیرِ پٹرولیم علی پرویز ملک دی ملک دی پنج وݙیاں آئل ریفائنریاں دی انتظامیہ نال انڄ انڄ ملاقاتاں
مزید خبراں
اسلام آباد۔28اگست (اے پی پی) وفاقی وزیرِ پٹرولیم علی پرویز ملک ملک دی پنج وݙیاں آئل ریفائنریاں، پاک عرب ریفائنری لمیٹڈ، پاکستان ریفائنری لمیٹڈ (پی آر ایل)، نیشنل ریفائنری لمیٹڈ (این آر ایل)، سائنرجیکو تے اٹک ریفائنری لمیٹڈ (اے آر ایل) دی انتظامیہ نال انڄ انڄ ملاقاتاں کیتیاں، جیندے اچ براؤن فیلڈ ریفائنری اپ گریڈیشن پالیسی تے عملدرآمد، ریفائنریاں دی مالی تے آپریشنل کارکردگی تے ملکی توانائی دے تحفظ کوں ٻیا مستحکم بݨاوݨ دے اقدامات دا جائزہ گھدا ڳیا۔ ساری پنج ریفائنریاں دی انتظامیہ ریفائنری اپ گریڈیشن پالیسی دے تحت معاہدیاں تے دستخط کرݨ کیتے آپݨی آمادگی دا اعادہ کیتا۔ معاہدیاں تے آندے مہینے دے آغاز اچ دستخط متوقع ہن، جنھاں نال ملک دے ریفائننگ سیکٹر اچ تقریباً 6 ارب ڈالر دی سرمایہ کاری متوقع اے۔ ایں موقع تے وفاقی وزیر آکھیا جو ریفائنریاں دی جدید کاری ملکی ریفائننگ سیکٹر دی طویل المدتی پائیداری کیتے ضروری اے۔ مجوزہ اپ گریڈیشن توں بعد ریفائنریاں پاکستان اچ یورو فائیو معیار دی پٹرولیم مصنوعات تیار کرݨ دے قابل تھیسن جیندے نال پٹرول تے ڈیزل دی درآمد تے انحصار گھٹاوݨ اچ مدد ملسی تے درآمدی مصنوعات دے مقابلے اچ قیمتاں اچ وی کمی دا امکان اے۔ علی پرویز ملک معاہدیاں تے وقت سر دستخط کوں اپ گریڈیشن پروگرام کوں اڳوں ودھاوݨ کیتے انتہائی اہم قرار ݙیندے ہوئیں آکھیا جو حکومت پالیسی تے عملدرآمد نال متعلق مسائل دے حل اچ ریفائنریاں کوں ہر ممکن تعاون فراہم کریندی راہسی۔
