سانحے بارے ٻݨی کمیٹی کوں آپݨی رپورٹ پیش کرݨ دا موقع ݙتا ونڄے اتے رپورٹ آوݨ توں بعد معاملے تے ٻئی کارروائی کیتی ونڄ سڳدی اے، اعظم نذیر تارڑ

اسلام آباد۔28اگست (اے پی پی) وفاقی وزیرِ قانون تے انصاف اعظم نذیر تارڑ سینیٹ دے اجلاس اچ ڳالھ مہاڑ کریندیں ہوئیں آکھیا جو سانحے نال متعلق قائم کمیٹی کوں آپݨی رپورٹ پیش کرݨ دا موقع ݙتا ونڄے اتے رپورٹ آوݨ توں بعد معاملے تے ٻئی کارروائی کیتی ونڄ سڳدی اے۔ انہاں آکھیا جو ایوان اچ ایں معاملے تے تفصیلی ڳالھ تھئی اے اتے متعلقہ وزیر وی آپݨا موقف واضح کیتے۔ کمیٹی دی تشکیل دا مقصد معاملے دی مکمل تحقیقات کر تے حقائق سامنے گھن آوݨ اے، ایں کیتے ایں دی رپورٹ دا انتظار کیتا ونڄݨا چاہیدے۔ وفاقی وزیر آکھیا جو سینیٹ کمیٹی دے حوالے نال قرارداد منظور تھی ڳئی اے، ایوان دا اجلاس ولا ݙو وڄے شروع کیتا ونڄ سڳدے اتے ضرورت دے مطابق کارروائی جاری رکھی ونڄ سڳدی اے۔ انہاں آکھیا جو اگر رپورٹ توں بعد بئی کوئی معاملہ سامݨے آندے تاں ایوان کوں ایں تے ولا غور کرݨ دا اختیار حاصل اے۔