راولپنڈی۔28اگست(اے پی پی) چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر پاکستان اتے سعودی عرب دے ڳھاٹے تعلقات کوں اڳونہا کریندے ہوئیں ݙوہائیں ملکاں وچال سٹریٹجک شراکت داری ٻئی تکڑی کرݨ کیتے پاکستان دا عزم دوہرائے۔ پاک فوج دے شعبہ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف اتے چیف آف ڈیفنس فورسز فیلڈ مارشل سید عاصم …
فیلڈ مارشل سید عاصم منیر نال سعودی وزیرِ ماحولیات، پاݨی و زراعت انجینئر عبدالرحمن عبدالمحسن الفضلی دی ملاقات
راولپنڈی۔28اگست(اے پی پی) چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر پاکستان اتے سعودی عرب دے ڳھاٹے تعلقات کوں اڳونہا کریندے ہوئیں ݙوہائیں ملکاں وچال سٹریٹجک شراکت داری ٻئی تکڑی کرݨ کیتے پاکستان دا عزم دوہرائے۔ پاک فوج دے شعبہ تعلقاتِ عامہ (آئی ایس پی آر) توں جاری بیان دے مطابق چیف آف آرمی سٹاف اتے چیف آف ڈیفنس فورسز فیلڈ مارشل سید عاصم منیر نال سعودی عرب دے وزیرِ ماحولیات، پاݨی و زراعت انجینئر عبدالرحمن عبدالمحسن الفضلی جنرل ہیڈ کوارٹرز (جی ایچ کیو) راولپنڈی اچ ملین۔ انہاں باہمی دلچسپی دے امور تے الایا۔ چیف آف آرمی سٹاف اتے چیف آف ڈیفنس فورسز پاکستان اتے سعودی عرب وچال تکڑے برادرانہ تعلقات کوں اڳونہا کریندے دیرینہ سٹریٹجک شراکت داری کوں مزید مستحکم کرݨ سانڳے پاکستان دا عزم دوہرایا۔ معزز مہمان علاقائی امن و استحکام دے ودھارے کیتے پاکستان دے مثبت کردار دی تعریف کیتی اتے ݙوہائیں ٻھرا ملکاں دے تعاون، بالخصوص زراعت اتے ماحولیاتی پائیداری دے شعبیاں اچ ٻیا تکڑا کرݨ دا آکھیا۔
