ڈیرہ اسماعیل خان۔29 اگست(اے پی پی)ٹانک روڈ تے ہتھالہ دے نیڑے دہشتگرداں دی فائرنگ نال ڈپٹی سپرنٹنڈنٹ پولیس (ڈی ایس پی) سودھا 5 پولیس اہلکار زخمی تھی ڳئن۔ پولیس دے مطابق واقعہ تھانہ ہتھالہ دی حدود اچ علی امین گنڈاپور فارم دے نال تھئے، جتھاں دہشت گرداں ڈی ایس پی کلاچی دی گاݙی کوں نشانہ ٻݨایا۔ پولیس ترجمان دے مطابق اہلکاراں جوابی کارروائی کیتی، جیندے اچ ݙوہائیں پاسوں فائرنگ دا …
ڈیرہ اسماعیل خان اچ دہشتگرد حملہ، ڈی ایس پی سودھا 5 پولیس اہلکار زخمی
ڈیرہ اسماعیل خان۔29 اگست(اے پی پی)ٹانک روڈ تے ہتھالہ دے نیڑے دہشتگرداں دی فائرنگ نال ڈپٹی سپرنٹنڈنٹ پولیس (ڈی ایس پی) سودھا 5 پولیس اہلکار زخمی تھی ڳئن۔ پولیس دے مطابق واقعہ تھانہ ہتھالہ دی حدود اچ علی امین گنڈاپور فارم دے نال تھئے، جتھاں دہشت گرداں ڈی ایس پی کلاچی دی گاݙی کوں نشانہ ٻݨایا۔ پولیس ترجمان دے مطابق اہلکاراں جوابی کارروائی کیتی، جیندے اچ ݙوہائیں پاسوں فائرنگ دا تبادلہ تھیا، فائرنگ اچ پولیس دی گاݙی پتریج ڳئی اتے کئی اہلکار زخمی تھی ڳئے۔ حملے اچ ڈی ایس پی کفایت اللہ مروت سودھا 5 پولیس اہلکار زخمی تھئن، زخمیاں اچ اے ایس آئی محمد نعمان اتے لیڈی کانسٹیبل امبر وی شامل ہین۔ پولیس دے مطابق حملے اچ پولیس گاݙی کوں وی نقصان پڄیے۔ زخمی اہلکاراں کوں فوری طور تے ٹراما سینٹر اتے ڈی ایچ کیو ہسپتال پچا ݙتا ڳیا، جتھاں انہاں کوں طبی امداد ݙتی ویندی پئی اے۔ واقعے توں بعد پولیس علاقے اچ سکیورٹی ٻئی سخت کر ݙتی اے اتے حملہ آوراں کوں ڳولݨ کیتے کارروائی جاری اے۔
