لندن۔29اگست(اے پی پی)نائب وزیرِ اعظم تے وزیرِ خارجہ سینیٹر محمد اسحاق ڈار آکھیے جو پاکستان عالمی سطح تے سفارتی ذمہ داریاں بھرپور انداز اچ نٻھیندا پئے، ملکی معیشت دا پہیہ چل پئے۔ انہاں اے ڳالھ لندن اچ پاکستانی کمیونٹی نال خطاب اچ آکھی اتے آکھیا جو پاکستان امریکہ اتے ایران تنازعے اچ بھرپور سفارتی کوششاں کیتن اتے ݙوہائیں ملکاں کوں ہکی میز تے ٻلھاوݨ اچ اہم کردار ادا کیتے۔ انہاں …
پاکستان عالمی سطح تے سفارتی ذمہ داریاں بھرپور انداز اچ نٻھیندا پئے، نائب وزیرِ اعظم اسحاق ڈار دا لندن اچ پاکستانی برادری نال خطاب
لندن۔29اگست(اے پی پی)نائب وزیرِ اعظم تے وزیرِ خارجہ سینیٹر محمد اسحاق ڈار آکھیے جو پاکستان عالمی سطح تے سفارتی ذمہ داریاں بھرپور انداز اچ نٻھیندا پئے، ملکی معیشت دا پہیہ چل پئے۔ انہاں اے ڳالھ لندن اچ پاکستانی کمیونٹی نال خطاب اچ آکھی اتے آکھیا جو پاکستان امریکہ اتے ایران تنازعے اچ بھرپور سفارتی کوششاں کیتن اتے ݙوہائیں ملکاں کوں ہکی میز تے ٻلھاوݨ اچ اہم کردار ادا کیتے۔ انہاں آکھیا جو پاکستان عالمی سطح تے اہم مقام حاصل کر چکیے، پاکستان دی مسلح افواج پچھلے سال شاندار بہادری ݙکھائی۔ سینیٹر محمد اسحاق ڈار اکھیا جو برطانوی حکام نال پاکستان دے تعلقات مزید مضبوط بݨاوݨ تے اتفاق تھئے، پاکستان اچ معاشی استحکام توں بعد ہݨ حکومت دی توجہ ترقی اتے شرحِ نمو تے اے، معاشی ترقی نال فی کس آمدنی اتے جیوݨ دا معیارِ بہتر تھیسی۔ نائب وزیرِ اعظم آکھیا جو پاکستان دولتِ مشترکہ اچ اصلاحات تے زور ݙتے اتے دولتِ مشترکہ ملکاں کوں موسمیاتی تبدیلی نال نمٹݨ اچ تعاون دی وی پیشکش کیتی اے۔ انہاں آکھیا جو پاکستان کوں ڄڳ دی 24 ویں ٻہوں وݙی معیشت ٻݨاوݨ اتے جی-20 اچ رلاوݨ ہدف اے۔
