لاہور۔30اگست(اے پی پی)وفاقی وزیرِ دفاع خواجہ آصف علامہ اقبال انٹرنیشنل ایئرپورٹ لاہور دا دورہ کیتے اتے مسافراں دی سہولت دے انتظامات اتے جاری انفراسٹرکچر ترقیاتی منصوبیاں دا جائزہ ڳھدے۔ ایئرپورٹ تے وفاقی وزیرِ دفاع دا استقبال قائم مقام چیف آپریٹنگ آفیسر، ایئرپورٹ منیجر اتے ٻئے اعلیٰ حکام کیتے۔ اے ایس ایف سیکنڈ ہولڈ (انٹرنیشنل) ایریا دے دورے ویلھے وزیرِ دفاع خواتین مسافراں دی لمبی قطار دا نوٹس ڳھدا اتے مسافراں …
وزیرِ دفاع خواجہ محمد آصف دا علامہ اقبال انٹرنیشنل ایئرپورٹ لاہور دا دورہ
لاہور۔30اگست(اے پی پی)وفاقی وزیرِ دفاع خواجہ آصف علامہ اقبال انٹرنیشنل ایئرپورٹ لاہور دا دورہ کیتے اتے مسافراں دی سہولت دے انتظامات اتے جاری انفراسٹرکچر ترقیاتی منصوبیاں دا جائزہ ڳھدے۔ ایئرپورٹ تے وفاقی وزیرِ دفاع دا استقبال قائم مقام چیف آپریٹنگ آفیسر، ایئرپورٹ منیجر اتے ٻئے اعلیٰ حکام کیتے۔ اے ایس ایف سیکنڈ ہولڈ (انٹرنیشنل) ایریا دے دورے ویلھے وزیرِ دفاع خواتین مسافراں دی لمبی قطار دا نوٹس ڳھدا اتے مسافراں دی سہولت اتے کلیئرنس دے عمل کوں تیز کرݨ کیتے اضافی سرچ کاؤنٹر کھولݨ دی ہدایت کیتی۔ وفاقی وزیرِ دفاع نویں ٻݨݨ آلے امیگریشن ایریا دا وی دورہ کیتا، جتھاں انہاں امیگریشن کاؤنٹرز دا معائنہ کیتا اتے جاری ٻاقی تعمیراتی کم دا جائزہ گھدا۔ وزیرِ دفاع انٹرنیشنل ڈپارچر جوائنٹ سرچ ایریا اتے ٻیاں مسافر سہولیات دا وی معائنہ کیتا۔ انہاں مجموعی انتظامات اتے اطمینان کریندے مسافراں دی سہولت اتے خدمات دے اعلیٰ معیار کوں برقرار رکھݨ تے زور ݙتا۔ وفاقی وزیرِ دفاع زیرِ تعمیر ڈومیسٹک ڈپارچر ایریا دا دورہ کیتا اتے جاری ترقیاتی کم، مجوزہ سہولیات تے منصوبے دی مجموعی پیش رفت تے تفصیلی بریفنگ گھدی۔
