کھٹمنڈو۔31اگست (اے پی پی) نیپال دے سیلاب توں متاثرہ ضلعیاں اچ تعلیمی اداریاں دے 200 توں ودھ طالبِ علم لاپتہ ہن۔ بی بی سی نیپال دی وزارتِ تعلیم دے حوالے نال ݙسایا جو سیلاب توں سبھ توں ودھ متاثرہ ترائے ضلعیاں اچ کم از کم 19 سکول متاثر تھئن، نو سکول مکمل طور تے تباہ تے ست کوں جزوی نقصان تھیا، کئی تعلیمی اداریاں اچ اساتذہ تے طالبِ علماں دے …
نیپال دے سیلاب توں متاثرہ ضلعیاں اچ 200 طالبِ علم لاپتہ
کھٹمنڈو۔31اگست (اے پی پی) نیپال دے سیلاب توں متاثرہ ضلعیاں اچ تعلیمی اداریاں دے 200 توں ودھ طالبِ علم لاپتہ ہن۔ بی بی سی نیپال دی وزارتِ تعلیم دے حوالے نال ݙسایا جو سیلاب توں سبھ توں ودھ متاثرہ ترائے ضلعیاں اچ کم از کم 19 سکول متاثر تھئن، نو سکول مکمل طور تے تباہ تے ست کوں جزوی نقصان تھیا، کئی تعلیمی اداریاں اچ اساتذہ تے طالبِ علماں دے لاپتہ تھیوݨ دی اطلاواں ہن۔ وزارتِ تعلیم تے کھیڈ دی تازہ ترین جائزہ رپورٹ دے مطابق 200 توں ودھ طالبِ علم لاپتہ ہن جڈانجو تقریباً 20 طالبِ علم سیلابی ریلے اچ وہہ ڳئن۔ شدید متاثر تھیوݨ آلے ٻئے سکول رسوا تے نواکوٹ ضلعیاں اچ ہن۔ انھاں ݙوہائیں ضلعیاں دے کئی سکول جتھاں 2425 طالبِ علم زیرِ تعلیم ہن یا تاں اوسیلابی پاݨی اچ ٻݙ ڳئن یا ملبے تلے دب ڳئن۔ ہک سکول دی انتظامیہ اچوں ہک بندے ݙسایا جو سیلاب انھاں دے سکول دی ہک بس وی وہا ڳئے۔ بی بی سی دی جنوبی ایشیا دی ویژول جرنلزم ٹیم سیٹلائٹ تصاوير دی مدد نال انھاں علاقیاں دا نقشہ تیار کیتے جتھاں سکول سیلاب توں متاثر تھئن۔
