نائب وزیرِ اعظم اسحاق ڈار دا استنبول دا ہک ݙینھ دا دورہ مکمل

اسلام آباد۔31اگست (اے پی پی) نائب وزیرِاعظم و وزیرِ خارجہ سینیٹر محمد اسحاق ڈار استنبول دا ہک ݙینھ دا دورہ مکمل کرڳھدے، اتھاں انہاں وزیرِ دفاع خواجہ محمد آصف تے چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر دے رلے مکہ جوائنٹ ڈیفنس ایگریمنٹ دے تحت قائم سٹریٹجک پولیٹیکل اینڈ ڈیفنس کمیٹی دے افتتاحی اجلاس اچ شرکت کیتی۔ دورہِ استنبول دے دوران نائب وزیرِاعظم و وزیرِ خارجہ ترکیہ دے وزیرِ خارجہ حاکان فیدان نال وی ملاقات کیتی۔ دفترِ خارجہ توں جاری بیان موجب نائب وزیرِاعظم و وزیرِ خارجہ اسحاق ڈار ترک وزیرِ خارجہ حاکان فیدان تے وزیرِ قومی دفاع یاشار گولر دے رلے استنبول توں بشکیک روانہ تھی ڳئن۔ نائب وزیرِاعظم محمد اسحاق ڈار، وزیرِاعظم محمد شہباز شریف تے پاکستانی وفد دے رلے شنگھائی تعاون تنظیم (ایس سی او) دی کونسل آف ہیڈز آف اسٹیٹ دے اجلاس تے ایس سی او پلس سربراہی اجلاس اچ شرکت کریسن۔ او بشکیک اچ وزیرِاعظم دیاں مختلف اہم مصروفیات اچ وی انھاں دے رلے ہوسن جنھاں اچ 2 ستمبر کوں کرغزستان دے صدر صادیر ژاپاروف دے نال پاکستان تے کرغزستان دے تعلقات تے سانجھی دلچسپی دے شعبیں اچ تعاون مزید تکڑا بݨاوݨ دے طریقیں تے ݙوطرفہ مذاکرات وی شامل ہن۔ وزیرِاعظم محمد شہباز شریف دا جمہوریہ کرغزستان دا سرکاری دورہ 31 اگست توں 2 ستمبر تئیں جاری رہسی۔ ایں دوران پاکستان 2026-27ء کیتے شنگھائی تعاون تنظیم (ایس سی او) دی کونسل آف ہیڈز آف اسٹیٹ دی چیئرمین شپ سنبھلیسی۔