اسلام آباد۔1ستمبر (اے پی پی) صدرِ مملکت آصف علی زرداری جمہوریہ ازبکستان دے صدر شوکت مرزیوف تے ازبکستان دی برادر عوام کوں انھاں دی 35ویں یومِ آزادی تے مبارکباد ݙتی اے۔ منگل کوں ایوانِ صدر دے پریس ونگ دے مطابق صدرِ مملکت آپݨے تہنیتی سنیھے اچ اکھیا جو پاکستان ازبکستان دے نال آپݨے تاریخی تے برادرانہ تعلقات کوں انتہائی اہمیت ݙیندے جو مشترکہ عقیدے، ثقافتی ہم آہنگی، باہمی اعتماد تے …
صدرِ مملکت دی ازبک قیادت تے عوام کوں یومِ آزادی تے مبارکباد
اسلام آباد۔1ستمبر (اے پی پی) صدرِ مملکت آصف علی زرداری جمہوریہ ازبکستان دے صدر شوکت مرزیوف تے ازبکستان دی برادر عوام کوں انھاں دی 35ویں یومِ آزادی تے مبارکباد ݙتی اے۔ منگل کوں ایوانِ صدر دے پریس ونگ دے مطابق صدرِ مملکت آپݨے تہنیتی سنیھے اچ اکھیا جو پاکستان ازبکستان دے نال آپݨے تاریخی تے برادرانہ تعلقات کوں انتہائی اہمیت ݙیندے جو مشترکہ عقیدے، ثقافتی ہم آہنگی، باہمی اعتماد تے خطے اچ امن، استحکام تے خوشحالی دے مشترکہ ویژن تے قائم ہن۔ صدر آصف علی زرداری مسرت دا اظہار کیتا جو پاکستان تے ازبکستان دے درمیان شراکت داری سیاسی، اقتصادی، تجارتی، مواصلاتی، دفاعی تے عوام دے آپسی تعلقات دے شعبیاں اچ ودھدے ہوئیں تعاون دے نال ٻیا مستحکم تھیندی پئی اے۔ صدرِ مملکت ایں سال فروری اچ صدر مرزیوف دے دورہٴ پاکستان کوں ݙوہائیں ملکاں دی اسٹریٹجک شراکت داری کوں ہک نویں تحریک ݙیوݨ دا موجب قرار ݙتا۔ انہاں آکھیا جو دورے دے دوران تھیوݨ آلے نتیجہ خیز مذاکرات تے طے تھیوݨ آلی تفہیم ݙوہائیں پاسیاں دی ایں مشترکہ خواہش دی عکاسی کریندی اے جیندے نال ایں دوستی دے ثمرات کوں آپݨے عوام کیتے ٹھوس فائدیاں اچ بدلیا ونڄ سڳے۔ صدرِ مملکت ایں اعتماد دا وی اظہار کیتا جو پاکستان تے ازبکستان آپݨی مشترکہ کاوش نال ایں شراکت داری کوں ٻیا مضبوط بݨیسن، علاقائی مواصلات تے اقتصادی تعاون کوں فروغ ݙیسن تے امن تے خوشحالی دی امنگاں کیتے رل تے کم کریندے رہسن۔
