اسلام آباد۔1ستمبر(اے پی پی) صدرِ مملکت آصف علی زرداری بلوچستان دے علاقیں چاغی تے پشین اچ 21 دہشت گرداں کوں جہنم واصل کرݨ تے سکیورٹی فورسز کوں خراجِ تحسین پیش کیتے۔ ایوانِ صدر دے پریس ونگ توں جاری بیان موجب صدرِمملکت کسٹمز ہائوس تے دہشت گردں دا حملہ ناکام بݨاوݨ تے کوئٹہ-تفتان ہائی وے تے دہشت گرداں دی طرفوں غیر قانونی چیک پوسٹ قائم کرتے مسافراں دی نقل وحرکت …
صدرِمملکت آصف علی زرداری دا چاغی تے پشین اچ 21 دہشت گرداں کوں جہنم واصل کرݨ تے سکیورٹی فورسز کوں خراجِ تحسین
مزید خبراں
اسلام آباد۔1ستمبر(اے پی پی) صدرِ مملکت آصف علی زرداری بلوچستان دے علاقیں چاغی تے پشین اچ 21 دہشت گرداں کوں جہنم واصل کرݨ تے سکیورٹی فورسز کوں خراجِ تحسین پیش کیتے۔ ایوانِ صدر دے پریس ونگ توں جاری بیان موجب صدرِمملکت کسٹمز ہائوس تے دہشت گردں دا حملہ ناکام بݨاوݨ تے کوئٹہ-تفتان ہائی وے تے دہشت گرداں دی طرفوں غیر قانونی چیک پوسٹ قائم کرتے مسافراں دی نقل وحرکت متاثر کرݨ دیاں کوشاں ناکام بݨاوݨ تے سکیورٹی فورسز کوں خراجِ تحسین پیش کیتے۔ صدرِمملکت فتنہ الہندوستان تے فتنہ الخوارج دے دہشت گرداں دے خلاف موثر کارروائی تے سکیورٹی فورسز دیاں پیشہ ورانہ صلاحیتاں دی تعریف کیتی ۔ صدرِ مملکت دہشت گردی دے خلاف کارروائی دے دوران ݙو افسران تے کسٹمز دے ہک اہلکار سودھے چھی بہادر جواناں دی شہادت تے اظہارِافسوس وی کیتا۔ انہاں آکھیا جو شہداء فرض دی ادائیگی دے دوران آپݨیاں جاناں دا نذرانہ پیش کرتے وطنِ عزیز دے دفاع دی عظیم مثال قائم کیتی۔
