وزیرِاعظم محمد شہباز شریف دا بلوچستان اچ مختلف آپریشنز اچ فتنہ الخوارج تے فتنہ الہندوستان دے 21 دہشت گرداں کوں ہلاک کرݨ تے سکیورٹی فورسز کوں خراجِ تحسین

بشکیک۔1ستمبر (اے پی پی) وزیرِاعظم محمد شہباز شریف بلوچستان اچ نوکچہ، چاغی، زیارت کراس تے پشین اچ مختلف آپریشنز اچ فتنہ الخوارج تے فتنہ الہندوستان دے 21 دہشت گرداں کوں ہلاک کرݨ تے سکیورٹی فورسزکوں خراجِ تحسین پیش کیتے۔ وزیرِاعظم دفتردے میڈیا ونگ توں جاری بیان موجب وزیرِاعظم کسٹمز ہائوس تے دہشت گرد حملے اچ کسٹمز دے 2 افسران تے ہک اہلکار سودھے 6 بہادر جواناں دی شہادت تے اظہارِ افسوس کیتے تے آکھیے جو شہداء دے خانداناں دے ݙکھ اچ برابر دے شریک ہن، دہشت گردی دے خلاف جنگ اچ ساݙے جواناں دیاں قربانیاں اصلوں ضائع نہ ویسن۔ وزیرِ اعظم آکھیا جو حکومت ملک توں دہشت گردی دے مکمل خاتمے کیتے پرعزم اے۔