بشکیک۔2ستمبر (اے پی پی) وزیراعظم محمد شہباز شریف کرغزستان دے دارالحکومت بشکیک اچ آتا بیئت میموریل کمپلیکس دا دورہ کیتا۔ بدھ کوں آتا بیئت آوݨ تے وزیراعظم دا استقبال کرغزستان دے اول نائب وزیراعظم دانیار امان گیلدیئیئف تے وزیرِ ثقافت، اطلاعات تے نوجوانان میر بیک مامبیتالیئیف کیتا۔ وزیراعظم آتا بیئت اچ معروف ادیب چنگیز ایتماتوف دی قبر تے پھلاں دی چادر چاڑھی اتے فاتحہ پڑھی۔ چنگیز ایتماتوف معروف کرغز تے …
وزیراعظم دا بشکیک اچ آتا بیئت میموریل کمپلیکس دا دورہ، معروف ادیب چنگیز ایتماتوف دی قبر تے پھلاں دی چادر چاڑھی تے فاتحہ پڑھی
مزید خبراں
بشکیک۔2ستمبر (اے پی پی) وزیراعظم محمد شہباز شریف کرغزستان دے دارالحکومت بشکیک اچ آتا بیئت میموریل کمپلیکس دا دورہ کیتا۔ بدھ کوں آتا بیئت آوݨ تے وزیراعظم دا استقبال کرغزستان دے اول نائب وزیراعظم دانیار امان گیلدیئیئف تے وزیرِ ثقافت، اطلاعات تے نوجوانان میر بیک مامبیتالیئیف کیتا۔ وزیراعظم آتا بیئت اچ معروف ادیب چنگیز ایتماتوف دی قبر تے پھلاں دی چادر چاڑھی اتے فاتحہ پڑھی۔ چنگیز ایتماتوف معروف کرغز تے سوویت ادیب ہن، وزیراعظم محمد شہباز شریف آتا بیئت میموریل کمپلیکس اچ یادگار تے پھلاں دی چادر وی چاڑھی تے اتھاں مدفون افراد کوں خراجِ عقیدت پیش کیتا۔ آتا بیئت میموریل کمپلیکس ہک اہم قومی تے تاریخی یادگاری مقام تے قبرستان اے۔ آتا بیئت دے معنی ’’اساݙے آباؤ اجداد دی قبر‘‘ ہن، ایں مقام تے کرغزستان دیاں متعدد معروف شخصیات دیاں قبراں ہن۔
