سپیکر قومی اسمبلی سردار ایاز صادق دی پاکستان دی طرفوں شنگھائی تعاون تنظیم دی صدارت سنبھالݨ تے قوم کوں مبارخ

اسلام آباد۔2ستمبر (اے پی پی) سپیکر قومی اسمبلی سردار ایاز صادق پاکستان دی طرفوں شنگھائی تعاون تنظیم (ایس سی او) دی کونسل آف ہیڈز آف سٹیٹ 2026-27 دی صدارت سنبھالݨ تے قوم کوں مبارخ ݙیندے ایں کوں ہک اہم سفارتی کامیابی تے پوری قوم کیتے باعثِ فخر قرارݙتے۔ قومی اسمبلی سیکرٹریٹ موجب سپیکر سردار ایاز صادق آکھیا جو پاکستان دا خطے دی اہم تنظیم شنگھائی تعاون تنظیم دی صدارت سنبھالݨ تے لاہور کوں 2026-27 کیتے ایس سی او دا سیاحتی و ثقافتی دارالحکومت قرارݙتا ونڄݨ عالمی برادری دا پاکستان تے ودھدے اعتماد کوں ظاہر کریندے۔ انہاں آکھیا جو اے سفارتی کامیابیاں پاکستان دے سفارتی میدان اچ ابھردے تشخص تے عالمی برادری دے ودھدے اعتماد دی دلیل ہن۔ سپیکر سردار ایاز صادق وزیراعظم محمد شہباز شریف دی مدبرانہ قیادت تے فعال سفارتکاری کوں خراجِ تحسین پیش کریندے آکھیا جو وزیراعظم دی قیادت تے متحرک سفارتی کوششاں عالمی سطح تے پاکستان دے مقام تے وقار کوں مستحکم کرݨ اچ اہم کردار ادا کیتے۔سپیکر قومی اسمبلی سردار ایازصادق وزیراعظم محمد شہباز شریف، نائب وزیراعظم و وزیرخارجہ سینیٹر محمد اسحاق ڈار تے چیف آف ڈیفنس فورسز فیلڈ مارشل سید عاصم منیر دی سانجھی سفارتی و تزویراتی کوششاں دی تعریف کریندے آکھیے مکہ معاہدہ مشترکہ دفاع دے تحت قائم سٹریٹجک پولیٹیکل اینڈ ڈیفنس کمیٹی دی طرفوں مکہ جوائنٹ ڈیفنس ایگریمنٹ سیکرٹریٹ دے پہلے سیکرٹری جنرل دے طور تے پاکستان توں ترائے سالہ مدت کیتے تقرری دا فیصلہ عالمی سطح تے پاکستان دی قیادت تے اعتماد دا مظہر اے۔ انہاں آکھیا جو اے فیصلہ مسلم ملکاں وچال اجتماعی دفاع و سلامتی دے شعبیں اچ تعاون دے ودھارے کیتے پاکستان دے مؤثر تے تعمیری کردار دا اعتراف وی اے۔