پاکستان نیوی دی میری ٹائم مشق ’سی سپارک 2026‘ کراچی اچ شروع

کراچی۔ 02 ستمبر(اے پی پی)پاکستان نیوی دی میری ٹائم مشق ’سی سپارک 2026‘ کراچی اچ شروع تھی ڳئی aے۔ آئی ایس پی آر دے مطابق نیول چیف مشق بارے افتتاحی بریفنگ دی صدارت کیتی، ’سی سپارک 2026‘ اچ پاکستان نیوی دیاں جنگی تیاریاں کوں بھرپور انداز اچ آزمایا ویسی ڄݙاں جو روایتی اتے ابھردے ہوئے بحری خطریاں نال نمٹݨ کیتے بحریہ دیاں صلاحیتاں کوں وی پرکھیا ویسی۔ مشق اچ بحری جہاز، آبدوزاں، طیارے اتے بغیر پائلٹ نظام حصہ ڳھندے پئن، ڄݙاں جو میرینز اتے سپیشل فورسز سودھا پاک آرمی اتے پاک فضائیہ دے دستے وی مشق دا حصہ ہین۔ آئی ایس پی آر دے مطابق مشق اچ میری ٹائم، فضائی، زمینی، سائبر اتے خلائی صلاحیتاں دا مربوط استعمال کیتا ویسی، ’سی سپارک 2026‘ دا مقصد ملٹی ڈومین آپریشنز دی مشق اتے مختلف شعبیاں اچ فیصلہ کن برتری حاصل کرݨ اے۔ مشق اچ انفارمیشن ماحول اچ آپریشنز تے وی خصوصی توجہ ݙتی ویندی پئی اے، ڄݙاں جو نیول چیف سکیورٹی ماحول اچ تبدیلی کوں  ݙیہدے ہوئے موثر جنگی تیاری برقرار رکھݨ تے زور ݙتا۔ نیول چیف ترنہائیں مسلح افواج وچال مربوط تعاون ٻیا ودھاوݨ دی ہدایت کریندے فزیکل اتے انفارمیشن ڈومینز اچ موثر کارروائیاں دی صلاحیت برقرار رکھݨ دی اہمیت تے وی زور ݙتا۔